«Հայերը Մեծ Յարգանք Կը Վայելեն Օդեսայի ՄԷջ». Էդիկ Խաչատրեան

Ֆրանսախօս երկիրներու  միջազգային կազմակերպութեան 17-րդ գագաթնաժողովի օրերուն Հայաստան կը  գտնուէր Օդեսայէն ժամանած մեծ պատուիրակութիւն մը, որուն կազմին մէջ էին հայ համայնքի ներկայացուցիչներ եւ ուքրանացի լրագրողներ: Այցը Հայաստան հնարաւոր դարձած էր «Վեսելկա» հիմնարկութեան նախագահ, «Ծիածան» բարեգորական հիմնադրամի նախագահ Էդիկ Խաչատրեանի ֆինանսական աջակցութեան շնորհիւ, որ եւ կը գլխաւորէր պատուիրակութիւնը:

Է. Խաչատրեան Ուքրանիոյ հայ համայնքի նշանակալի դէմքերէն մէկն է, ժամանակին նաեւ եղած է  Օդեսայի քաղաքային խորհուրդի անդամ: Ներկայիս կը հանդիսանայ քաղաքի թիւ մէկ շուկայի սեփանակատէրը: Ան մեծ սիրով համաձանեցաւ պատասխանել մեր հարցերուն:

– Ի՞նչ նպատակով  Օդեսայի պատուիրակութիւնը ժամանած էր Երեւան:

– Իմ հիմնական նպատակս էր Օդեսայէն եւ Քիեւէն բերել լրագրողներ, որպէսզի  տեսնեն` ինչպէս կ´ընթանան  մեր մօտ բարեփոխումները: Ուքրանիոյ մէջ, աւաղ, փոփոխութիւնները կը յապաղին: Մենք կ´ուզենք, որ մեր Թաւշեայ յեղափոխութեան փորձն աւելի մեծ արձագանք ստանայ Ուքրանիոյ մէջ, մի գուցէ այնտեղ ապրող ժողովուրդն իրեն աւելի աշխոյժ դրսեւորէ:

Երկրորդ նպատակն էր, որպէսզի ուքրանացի լրագրողները ծանօթանան, նկարահանեն եւ ցոյց տան ուքրանացի հանրութեան մեր հանգիստի գօտիները, տեղեկանան, որ Հայաստանի մէջ ալ կան հանգստանալու լաւ վայրեր, եւ մենք ունինք մեծ ներուժ` զբօսաշրջութիւնը զարգացնելու: Հիւրերն այցելեցին Նորավանք, Տաթեւ, Ջերմուկ եւ Սեւանայ լիճ:

– Թաւշեայ յեղափոխութենէն ետք  ձեր մօտ ցանկութիւն կայ ներդրումներ իրականացնելու Հայաստանի մէջ:

– Ի հարկէ, կայ: Ես կը սպասեմ հարկային օրէնսգիրքի յստակեցման: Եթէ ներդրումներու համար պայմանները բարենպաստ ըլլան, ապա, իմ կարծիքովս, ո՛ չ միայն ես, այլ նաեւ ուրիշ շատ հայեր կ’ուզեն գործ հիմնել իրենց հայրենիքին մէջ:

– Ձեր կարծիքով,  Հայաստանի ո՞ր ոլորտն է աւելի գայթակղիչ ներդրումներու համար:

– Ինծի համար ամենահետաքրքիրը` զբօսաշրջութիւնն  է: Եթէ նոր ճարտարագիտական ոլորտին մէջ ալ հետաքրքիր նախագիծեր ըլլան, պատրաստ եմ ատոնք ալ քննարկելու: Ամէն ինչ կախուած է պետութեան դիրքորոշումէն, կայուն իրավիճակէն, հարկային դաշտի բնական պայմաններէն: Պէտք է Հայատանի մէջ աւելի գայթակղիչ պայմաններ ըլլան ներդրումներու համար, աւելի գրաւիչ ըլլան, քան օֆշորային գօտիներէն, որպէսզի գործարարները ցանկան ներդրումներ ընել, փող աշխատելու, իսկ ժողովուրդին համար աշխատատեղեր ստեղծելու:

Այս հարցին մասին կառավարութիւնը պէտք է մտածէ  եւ առաջնահերթութիւն տայ տեղական հումքին: Այսինքն, գործարանները ինչ-որ պիտի արտադրեն, առաջին հերթին օգտագործեն տեղական հումքը: Սա աւելի ճիշդ կ´ըլլայ, քանի որ ինքնարժէքն աւելի արժան, իսկ արտահանելու համար աւելի յարմար կ´ըլլայ:

– Դուք կրցած էք հանդիպիլ կառավարական օղակներու հետ եւ այդ հարցերը քննարկել:

– Այս օրերուն անոնք շատ զբաղուած են, բայց ես Հայաստանի հետ մշտական կապ ունիմ, կարելի է ըսել, ձեռքս կը պահեմ զարկերակի վրայ, այնպէս որ` կը հետեւիմ իրավիճակին

– Որքան հայեր կան Օդեսայի մէջ:

– Մօտ քառասուն հազար, միգուցէ եւ աւելի: Նոր ժամանածներ ալ կան, որոնց հետ նոր-նոր  կը ծանօթանանք: Իմ դիտարկմամբ հայերուն թիւն այնտեղ կ´աւելնայ:

Կարելի է նշել նաեւ, որ հայերը մեծ յարգանք կը վայելեն Օդեսայի մէջ, հաշուի կ´առնեն մեր կարծիքը: Ի հարկէ, լաւ կ´ըլլար, որ հայերն իրենց հայրենիքին մէջ ապրէին եւ շէնացնէին իրենց երկիրը, սակայն յաճախ կեանքի պայմաններն այլ բան կը թելադրեն: Կ’ուզէի աւելցնել նաեւ, որ Օդեսայի հայերու գերակշռող մեծամասնութիւնը դրական ընդունեց Թաւշեայ յեղափոխութեան մասին լուրը եւ մեծ յոյսեր ունին այստեղ կեանքի բարելաւման վերաբերեալ:

– Ինչ կեանքով կ´ապրի Օդեսայի հայ համայնքը:

– Համայնքին մէջ  հայկական եկեղեցւոյ  կից գործող Մշակութային կեդրոնին մէջ կիրակնօրեայ դպրոց  ունինք, ուր երեխաներուն համար բացի հայոց լեզու եւ հայ ժողովուրդի պատմութիւն դասաւանդելէն, կ´իրականացուի նաեւ կար ու ձեւի ուսուցում: Տղաներն ալ կը սորվին այլ մասնագիտութիւններ: Կարելի է ըսել` կեդրոնը հայ համայնքի հիմնական հաւաքատեղին է, ուր երբեմն տեղի կ´ունենան նաեւ մրցումներ: Ի դէպ, վերջերս ալ Օդեսայի հայ համայնքի ղեկավար Սամուէլ Տիգրանեանին շնորհուած է Օդեսա քաղաքի պատուաւոր քաղաքացիի կոչումը:

Տիգրան Յովհաննիսեան

 

Scroll Up