Մխիթար Հայրապետեան Հանդիպած Է Եգիպտոսի Հայ Համայնքի Ներկայացուցիչներու Հետ

Պաշտօնական այցով Եգիպտոսի Արաբական Հանրապետութեան մէջ գտնուող ՀՀ սփիւռքի նախարար Մխիթար Հայրապետեան սեպտեմբեր 25-ին Գահիրէի «Պըլըքտանեան» սրահին մէջ հանդիպած է Եգիպտոսի հայ համայնքի ներկայացուցիչներու հետ:

Ինչպէս կը հաղորդէ «Հայերն այսօր»-ը, հանդիպման ներկայ էին Եգիպտոսի մէջ ՀՀ արտակարգ եւ լիազօր դեսպան Արմէն Մելքոնեան, Եգիպտոսի Հայոց թեմի առաջնորդ Գերշ. Տէր Աշոտ եպիսկոպոս Մնացականեան, Քաղաքական ժողովի ատենապետ Վահէ Փլադեան, Գահիրէի Հայ դատի պատասխանատու Արմէն Մազլումեան, Գահիրէի Թեմական, քաղաքական ժողովի անդամ Պերճ Հալաճան եւ այլք:

Սփիւռքի նախարար Մխիթար Հայրապետեան հանդիպման ընթացքին խօսած է Հայաստան-Սփիւռք փոխգործակցութեան առաւել գործնական քայլերու մասին, կիսուած իր տեսլականով, լսած է եգիպտահայ հայրենակիցներու կարծիքները եւ պատասխանած վերջինները յուզող հարցերուն:

 

 

Scroll Up