Նոր Զելանտիոյ ՄԷջ Կը Բացուի Հայոց Այբուբենը Պատկերող Յուշակոթող

Հոկտեմբեր 13-ին, ժամը` 15:00-ին, Օքլանտ քաղաքի Միտովիտ շրջանի զբօսայգիին մէջ կը կայանայ հայկական այբուբենը պատկերող «Բարեկամութեան կոթող»-ի բացման արարողութիւնը:

Ինչպէս «Հայերն այսօր»-ին կը յայտնէ Նոր Զելանտիոյ հայ համայնքի ղեկավար Նուպար Եաղուպեան, այս ձեռնարկը կարեւոր իրադարձութիւն է Նոր Զելանտիոյ պատմութեան մէջ: Հայկական տուֆէ եւ Հայաստանի մէջ պատրաստուած յուշարձանը պիտի խորհրդանշէ Օքլանտի ժողովուրդի եւ վերջին երկու տասնամեակներուն քաղաքին մէջ բնակութիւն հաստատած հայերուն միջեւ սերտ փոխյարաբերութիւնները, ինչպէս նաեւ հայերու երախտագիտութիւնը` Նոր Զելանտիոյ մէջ նոր կեանքի անգնահատելի հնարաւորութիւն ընձեռելու համար:

Յուշարձանի բացումը պիտի կատարէ Upper Harbour-ի տեղական խորհուրդի փոխնախագահ Լիզա Ուայթը, ներկայութեամբ Upper Harbour տեղական վարչութեան նախագահ Մարգարիտ Մայրզիnն: Արարողութեան պիտի մասնակցին նաեւ ճանչցուած հիւրեր Հայաստանի Հանրապետութենէն եւ Նոր Զելանտայէն, հայկական միութեան ներկայացուցիչներ:

 

 

 

Scroll Up