Բարձր Կը Գնահատենք Սուրիահայերու Ընդելուզման Ուղղուած Սփիւռքի Նախարարութեան Ջանքերը. Մխիթար Հայրապետեան Ընդունեց ՀՀ-ի ՄԷջ Սուրիոյ Դեսպանը

Սեպտեմբեր 11-ին սփիւռքի նախարար Մխիթար Հայրապետեան ընդունեց Հայաստանի Հանրապետութեան մէջ  Սուրիոյ Արաբական Հանրապետութեան արտակարգ եւ լիազօր դեսպան Մուհամմատ Ահմատ Հաճ Իպրահիմը:

Ողջունելով դեսպանը` նախարար Մխիթար Հայրապետեան նշեց, որ Սուրիա պետութիւնը Հայաստանի Հանրապետութեան համար բարեկամական երկիր է, եւ ատիկա պատմութեան ողջ ընթացքին ապացուցուած փաստ է: «Մենք մշտապէս կը յիշենք այն մեծագոյն աջակցութիւնը, որ Ձեր երկիրը ցուցաբերած է մեր ժողովուրդի ամենածանր շրջանին: Սուրիոյ հայ արմատներով քաղաքացիներն ունին երկու տուն` Հայաստանը եւ Սուրիան, եւ ուր ալ մեր հայրենակիցները նախընտրեն ապրիլ, արարել, աշխատիլ, մենք` որպէս սփիւռքի նախարարութիւն, պիտի աջակցինք անոնց»,-նշեց սփիւռքի նախարարն եւ աւելցուց, որ նախարարութիւնը սուրիահայերու հետ աշխատելուս կարեւոր մանդատ, նաեւ կողմերուն մէկ սեղանի շուրջ հաւաքելու, ընդհանուր օրակարգ ձեւաւորելու յաջողուած փորձ ունի: Նախարարը կարեւոր համարեց նաեւ սուրիահայ համայնքի միասնականութիւնն ու համայնքի հետ համակարգուած աշխատանքը:

«Այն, ինչ տեղի կ՛ունենայ Սուրիոյ մէջ, ցաւ կը պատճառէ նաեւ մեզ, եւ մենք կ՛աղօթենք Սուրիոյ ժողովուրդի խաղաղ կեցութեան համար»,-նշեց Մխիթար Հայրապետեան:

Շնորհակալութիւն յայտնելով ջերմ ընդունելութեան համար` Մուհամմատ Ահմատ Հաճ Իպրահիմը շնորհակալութիւն յայտնեց Հայաստանի կողմէ Սուրիոյ ժողովուրդին ցուցաբերուած աջակցութեան համար: «Մենք սուրիահայերուն կը համարենք Սուրիոյ հասարակութեան անքակտելի մասը: Միեւնոյն ժամանակ բարձր  կը գնահատենք  հայաստանեան կեանքին սուրիահայերու ընդելուզման ուղղուած Հայաստանի, սփիւռքի նախարարութեան եւ շարք մը միջազգային կառոյցներու ջանքերը»,-նշեց դեսպանն ու շեշտեց, որ Սուրիոյ խաղաղութեան հաստատումէն ետք շատերը կը վերադառնան իրենց ծծնդավայր, եւ  ասիկա կարեւոր է նաեւ մշակութային բազմազանութեամբ աչքի ինկող Մերձաւոր Արեւելքի համար:

Մուհամմատ Ահմատ Հաճ Իպրահիմը կարեւոր համարեց նաեւ համայնքային խորհուրդի ձեւաւորման անհրաժեշտութիւնը, որուն կազմին  հիմնականին մէջ կ՛ըլլան երիտասարդներ: Դեսպանը ակնկալեց նախարարութեան աջակցութիւնը Հայաստանի մէջ հաստատուած սուրիահայերու յստակ թիւը պարզելու եւ արձանագրելու գործին:

Հանդիպման աւարտին սփիւռքի նախարարը համագործակցելու պատրաստակամութիւն յայտնեց:

Scroll Up