Ախալցխայէն Ժամանած Աշակերտները` Սփիւռքի Նախարարութեան ՄԷջ

Սեպտեմբեր 11-ին Ախալցխայէն ժամանած  խումբ մը աշակերտներ, ղեկավար Արմէն Ադամեանի գլխաւորութեամբ, հիւրընկալուեցան սփիւռքի նախարարութեան մէջ:

Ողջունելով աշակերտները` նախարարի տեղակալ Դաւիթ Սարգսեան նշեց, որ սփիւռքի նախարարութիւնը կ՛աշխատի իր բոլոր ծրագիրներուն մէջ ներգրաւել վիրահայերուն, միշտ պատրաստ է աջակցելու անոնց եւ սիրով հիւրընկալելու Հայաստանի մէջ:

Պատանիները ցանկութիւն յայտնեցին յաջորդ տարի մասնակցելու «Քայլ դէպի տուն» ծրագիրին, քանի որ այս տարուան մասնակիցներէն շատ դրական կարծիքներ  լսած են:

Հանդիպման աւարտին հիւրերը տուին հայաստանեան կրթական համակարգին, պահանջներուն վերաբերող հարցեր, պատրաստակամութիւն յայտնեցին անխափան կապի մէջ գտնուելու նախարարութեան հետ:

Scroll Up