Տեղի Կ’ունենայ «Քայլ Դէպի Տուն» Ծրագիրի Բացման Արարողութիւնը

Օգոստոս 10-ին, ժամը` 11:30-ին, Հայ-ռուսական համալսարանին մէջ տեղի կ’ունենայ սփիւռքի նախարարութեան «Քայլ դէպի տուն» ծրագիրի բացման ձեռնարկը (հասցէ` Յովսէփ Էմինի փողոց 123):

Ողջոյնի խօսքով հանդէս կու գան Սփիւռքի նախարար Մխիթար Հայրապետեան եւ Հայ-ռուսական համալսարանի տնտեսութեան եւ գործարարութեան հիմնարկի տնօրէն Էդուարդ Սանդոյեան:

Ծրագիրի մասնակիցներուն երաժշտական կատարումներով կ’ողջունեն երգիչներ Հայկ Ստուերը, Հայկ Եսայեանը եւ Վլադիմիր Ահարոնեանը:

Այնուհետեւ ծրագիրի 440 մասնակիցները կը բաժնուին հոսքերու ու խումբերու եւ ըստ ուղղութիւններու` կը մեկնին Հայաստանի պատմութեան, Երեւանի պատմութեան եւ «Էրեբունի» պատմահնագիտական արգելոց թանգարաններ:

Scroll Up