Սփիւռքի Նախարար Մխիթար Հայրապետեանի Հանդիպումները Նիւ Եորքի Եւ Նիւ Ճըրսիի ՄԷջ

ԱՄՆ աշխատանքային այցի ծիրէն ներս սփիւռքի նախարար Մխիթար Հայրապետեան իր հանդիպումները շարունակած է նաեւ Նիւ Եորքի եւ Նիւ Ճըրսիի մէջ:

Նախարարը Նիւ Եորքի մէջ հանդիպած է  հայկական բանակին մեծ աջակցութիւն ցուցաբերող «Հայ վիրաւոր հերոսներու հիմնադրամի»  ներկայացուցիչներուն հետ, ապա այցելած է ՄԱԿ-ի մէջ ՀՀ  մշտական ներկայացուցչութիւն:

Մխիթար Հայրապետեան հանդիպում  ունեցած է Ամերիկայի հայ աւետարանական ընկերակցութեան գործադիր տնօրէն Զաւէն Խանջեանի եւ Մեծի Տանն Կիլիկիոյ կաթողիկոսութեան ԱՄՆ Արեւելեան թեմի առաջնորդ Օշական Արք. Չօլոյեանի եւ հոգեւոր դասի հետ:

Նախարարը հանդիպած է նաեւ  ՀԲԸՄ նախագահ Պերճ Սեդրակեանի հետ:

Հանդիպումները շարունակուած են  «Կարնեգի» հիմնադրամի նախագահ Վարդան Գրեգորեանի եւ «Դաւիթեան» կրթական հիմնադրամի նախագահ Ասօ Դաւիթեանի հետ:

Նիւ Ճըրսիի մէջ` Թէքէեան մշակութային կեդրոնին մէջ, նախարարը  հանդիպած է  հայ համայնքի  քանի մը տասնեակ ներկայացուցիչներու հետ:

Հանդիպում եղած է նաեւ Ռամկավար ազատական կուսակցութեան նախագահ Նորայր Մկրտչեանի, Հայ օգնութեան միութեան, Հայ մարմնակրթական ընդհանուր միութեան, Համազգային հայ կրթական եւ մշակութային միութեան, Հայ երիտասարդաց դաշնակցութեան ղեկավարներուն եւ ներկայացուցիչներուն հետ:

Scroll Up