Օփերայի Երգչուհի Լիլիթ Սողոմոնեան Թոսկայի Դերերգով Հանդէս Եկած Է Չիլիի Մէջ

Օփերայի երգչուհի Լիլիթ Սողոմոնեան Թոսկայի դերերգով մեծ յաջողութեամբ հանդէս  եկած է Չիլիի` երկրի մայրաքաղաքի Teatro Municipal de Santiago հեղինակաւոր օփերայի թատրոնին մէջ: Իտալացի երգահան Ջաքոմօ Փուչինիի «Թոսկա»-ն օփերայի թատրոնին մէջ  ներկայացուած է բոլորովին նոր եւ թարմ բեմադրութեամբ: Ալ. Սպենդիարեանի անուան օփերայի եւ պալէի ազգային ակադեմական թատրոնին մէջ արդէն երկու տասնամեակ գործունէութիւն ծաւալող յառաջատար օփերայի երգչուհին դեռեւս միակ հայն է, որ հանդէս եկած է Չիլիի մէջ:

«Չիլի  մեկնած եմ սեփական նախաձեռնութեամբ: Ալ. Սպենդիարեանի անուան օփերայի թատրոնի գեղարուեստական ղեկավար Կոնստանտին Օրբէլեանէն խորհուրդ հարցուցի, թէ ինչ կրնամ ընել, որպէսզի հանդէս գամ այլ երկիրներու մէջ, լսելի դառնամ աւելի մեծ շրջանակներու: Օրբէլեանը խորհուրդ տուաւ Մոսկուայի մէջ լսումներու մասնակցիլ: Այդ լսումներուն պիտի գային 10-12 երկիրներու թատրոններու տնօրէններ, պիտի մասնակցէին օփերայի երգիչներ ամբողջ աշխարհէն: Լսումներէն ետք ստացայ հրաւէր` Չիլիի մէջ մասնակցելու «Թոսկա»-ի նոր բեմադրութեան»,-կը նշէ Լիլիթ Սողոմոնեան:

Օփերայի երգչուհին կը փաստէ` Չիլիի մէջ հաւաքուած էին տարբեր ազգերու ներկայացուցիչ արուեստագէտներ: Արուեստագէտը բացառիկ ջերմ վերաբերմունքի  արժանացած է թէ՛ թատրոնի ղեկավարութեան եւ թէ՛ հանդիսատեսին կողմէ: Փաստը` Չիլիի մէջ անցուցած 40 օրուան ընթացքին հանդէս  եկած է 3 ներկայացմամբ եւ բոլորն ալ անցած են լեփ-լեցուն դահլիճի մէջ. ընդ որում, Teatro Municipal de Santiago հասարակ դահլիճ չէ, այստեղ ժամանակին հանդէս  եկած են բազում մեծ աստղեր, ինչպէս, օրինակ, Փաւարոտին, Տոմինգոն եւ այլք:

Օփերայի երգչուհիի ելոյթներէն յետոյ հանդիսատեսն իր հիացմունքը արտայայտած է հայ երգչուհիին` Թոսկայի դերերգի հրաշալի մեկնաբանութեան համար:

Օփերայի թատրոնի յառաջատար մեներգչուհին կը փաստէ` անոր ելոյթը շատ խորհրդանշական էր, քանի որ, թերեւս, ինք միակ երգչուհին է, որ Հայաստանի մէջ առանց փորձի հանդէս եկած է Թոսկայի դերերգով:

«Թոսկայի դերերգը շատ հոգեհարազատ է ինծի` թէ՛ զգացողութիւններու, թէ՛ կերպարի տեսանկիւնէն: Պուչինիի «Թոսկա»-ն իմ ամենասիրելի օփերան է»,-կ՛աւելցնէ Լիլիթ Սողոմոնեան:

Scroll Up