Թեհրանի Հայոց Ազգային «Մարիամեան» Դպրոցը Կ’ունենայ Միջնակարգ Բ Օղակ

Թեհրանի Հայոց թեմի Կրթական խորհուրդի ջանքերու շնորհիւ Հայոց ազգային «Մարիամեան» դպրոցն այսուհետ կ’ունենայ միջնակարգ Բ օղակ:

«Հայերն այսօր»-ը, յղում կատարելով Կրթական խորհուրդին, կը յայտնէ, որ հայ աշակերտներու հոսքը պարսկական դպրոցներ կանխելու նպատակով եւ անսալով ծնողներու դիմումներուն` Կրթական խորհուրդը որոշած է «Մարիամեան» դպրոցին մէջ կազմել միջնակարգ Բ օղակ: Որոշումը հաստատուած է Պատգամաւորական ժողովի կողմէ: Արդէն ընթացքի մէջ է սոյն աշխատանքը եւ «Մարիամեան» դպրոցը կը սպասէ աշակերտներու արձանագրութեան:

Աշխատանքի ընթացքին յառաջացած խոչընդոտները յաղթահարելու ուղղութեամբ իրենց անվերապահ աջակցութիւն ցուցաբերած են Թեմական խորհուրդը եւ Իրանի Իսլամական խորհրդարանին մէջ Հիւսիսային իրանահայութեան պատգամաւոր Կարէն Խանլարեան:

 

Scroll Up