Սփիւռքէն Ժամանած «Երազանք» Եւ «Աստղիկներ» Երգչախումբերը Մասնակցեցան Յոբելենական Համերգին

Յուլիս 26-ին Հայաստանի Երաժշտական ընկերութեան դահլիճին մէջ ՀՀ սփիւռքի նախարարութեան «Սփիւռքի հայ համայնքներու մշակութային օրերը Հայաստանի մէջ» ծրագիրի ծիրէն ներս տեղի ունեցաւ Էստոնիոյ Թալլին քաղաքի «Երազանք» եւ Ամերիկայի Միացեալ Նահանգներու Նիւ Եորք քաղաքի «Աստղիկներ» երգչախումբերու համերգը` նուիրուած Հայաստանի Հանրապետութեան եւ Մայիսեան հերոսամարտերու 100 եւ Երեւանի 2800-ամեակին:

Համերգին ներկայ էին ՀՀ վաստակաւոր արուեստագէտ Ռուբէն Մաթեւոսեան, երգահան, ՀՀ ժողովրդական արուեստագէտ, ՀՀ արուեստի վաստակաւոր գործիչ Մարտին Վարդազարեան, «Արի տուն» ծրագիրի անցումային փուլի մասնակիցներ, հիւրեր:

Համերգային ծրագիրը բացաւ «Երազանք» երգչախումբը` Հռիփսիմէ Խրիմեանի «Բարեւ» եւ «Ծիրանի երգ» կատարումներով:

Երգչախումբերը հանդէս եկան նաեւ Արամ Խաչատրեանի, Առնօ Բաբաջանեանի, Կոստանտին Օրբէլեանի, Ստեփան Լուսիկեանի, Ալեքսանդր Յարութիւնեանի ստեղծագործութիւններու կատարումներով:

Համերգը եզրափակուեցաւ «Էրեբունի–Երեւան»  երգի միասնական կատարմամբ:

Scroll Up