Այնթապի Առաջին Լուսանկարիչը Հայ Եղած Է

«Gaziantepsabah.com» կայքէջի թղթակիցը զրուցած է Այնթապի (պաշտօնական անուանումը` Գազիանթեփ-Ակունքի խմբ.) յայտնի լուսանկարիչ Սերտար Պէյազասլանի հետ, որ լրատուամիջոցին յայտնած է, որ այստեղի առաջին լուսանկարիչը  հայ եղած է:  Այդ մասին կը փոխանցէ Akunq.net-ը:

Ըստ աղբիւրի` Պէյազասլանը մասնաւորապէս հետեւեալն ըսած է  հայ լուսանկարիչի մասին. «Յետագային Կազիանթեփի առաջին վարպետները հէնց հայէ սորված են այդ մասնագիտութիւնը: Իմ հայրս եւս եղած է այդ հայ լուսանկարիչին աշկերտներէն»:

Յիշեցնենք, որ Այնթապի հայերը զանգուածաբար ոչնչացուեցան 1915-1921 թթ.: Հայոց ցեղասպանութենէն փրկուածները ապաստանեցան Սուրիոյ, Լիբանանի, ԱՄՆ-ի մէջ:

Ըստ թուրք ուսումնասիրող Մուրադ Ուչաների` ներկայիս Այնթապ նահանգին մէջ կ՛ապրի 2 միլիոն մարդ, որուն միայն 5 տոկոսն է բնիկ այնթապցի: Եւ այդ 5 տոկոսի գրեթէ կէսը (այսինքն` 50 հազարը) կը կազմեն իսլամացած հայերը: Սակայն անոնց մեծ մասը կը մերժէ իր հայկական ծագումը` ըսելով. «Մենք մուսուլման թուրք ենք»: Մօտ 25 հազար իսլամացած հայ կ՛ապրի Այնթապի կեդրոնին մէջ, իսկ Նիզիփի եւ Պիրեջիքի բնակչութեան մէկ երրորդը բաղկացած է կրօնափոխ հայերէ:

 

Scroll Up