Սուրիոյ ՄԷջ Կը Գտնուի ՀՀ Զինուած Ուժերու Պատուիրակութիւնը

Այս Օրերուն Սուրիոյ ՄԷջ Կը Գտնուի ՀՀ Զինուած Ուժերու Պատուիրակութիւնը:

Ինչպէս «Հայերն այսօր»-ին փոխանցած է Հալէպի մէջ ՀՀ գլխաւոր հիւպատոս Արմէն Սարգսեան, Հալէպի մէջ յուլիս 9-ին պատուիրակութեան անդամները հիւպատոսին ուղեկցութեամբ այցելած են Հայկական բարեգործական ընդհանուր միութիւն (ՀԲԸՄ), ուր անոնց ընդունած են Շրջանակային յանձնախումբի անդամները` ատենապետ Ներսէս Ներսոյեանի գլխաւորութեամբ: Այնուհետեւ տեղի ունեցած է  ժողովրդային հանդիպում, ուր քննարկուած են Սուրիոյ մարդասիրական օգնութեան տրամադրման եւ Հայաստան-Սփիւռք գործակցութեան վերաբերող հարցեր: Երեկոյեան պատուիրակութեան համար կազմակերպուած է հիւրասիրութիւն:

Յուլիս 10-ին Հայաստանի զինուած ուժերու պատուիրակութիւնը Արմէն Սարգսեանի ուղեկցութեամբ այցելած է պատերազմի ժամանակ աւերուած Թէքէեան մշակութային կեդրոն, ուր անոնց դիմաւորած է Թէքէեան մշակութային միութեան ատենապետ Կարապետ Շուշանեան: Այցի ընթացքին անդրադարձ կատարուած է մօտ ապագային կեդրոնի վերականգնման աշխատանքները սկսելուն:

Նոյն օրը Հայաստանէն ժամանած պատուիրակութիւնը Հալէպի մէջ ՀՀ գլխաւոր հիւպատոս Արմէն Սարգսեանի ուղեկցութեամբ այցելած է Կիլիկեան կրթական հաստատութեան վարժարան, ուր հիւրերը ընդունած են վարժարանի ՍԴՀԿ Խնամակալ մարմնի անդամները: Այնուհետեւ տեղի ունեցած է  պաշտօնական դիմաւորում:  ՀՄՄ-ի փողերախումբը կատարած է հայկական եւ սուրիական քայլերգները:

Հայ սպաները այցելած են նաեւ պատերազմի ժամանակ վնասուած վարժարանի մանկապարտէզի եւ նախակրթարանի մասնաշէնքեր, ուր քննարկուած է կառոյցներու վերականգնման առնչուող հարցեր:

Յուլիս 11-ին պատուիրակութիւնը Հալէպի մէջ ՀՀ գլխաւոր հիւպատոս Արմէն Սարգսեանի ուղեկցութեամբ մեկնած է Լաթաքիա:

 

Scroll Up