Տեղի Ունեցաւ Հայրենադարձ Օփերայի Երգիչ Գէորգ Հաճեանի Մենահամերգը

Յունիս 29-ին Կոմիտասի անուան կամերային երաժշտութեան տան մէջ տեղի ունեցաւ լիբանանահայ հայրենադարձ օփերայի երգիչ Գէորգ Հաճեանի մենահամերգը:

Ողջոյնի խօսքով հանդէս եկաւ սփիւռքի նախարարի օգնական Վաղարշակ Յակոբեան: Ան մասնաւորապէս նշեց. «Ուրախ եմ, որ այսօր այստեղ հաւաքուած արուեստասէրները հնարաւորութիւն կ’ուենան ունկնդրելու Գէորգ Հաճեանի ստեղծագործութիւնները: Պարո՛ն Հաճեան, կը ցանկամ նշել, որ սփիւռքի նախարարութիւնը բարձր կը գնահատէ Ձեր գործունէութիւնը, եւ միշտ պատրաստ է աջակցելու Ձեզ եւ հայ մշակոյթը բարձր մակարդակով ներկայացնող միւս արուեսատգետներուն»:

Երեկոյի ընթացքին հնչեցին Կոմիտասի, Արմէն Տիգրանեանի, Դանիէլ Երաժիշտի ստեղծագործութիւնները եւ ազգային-հայրենասիրական երգեր: Համերգային ծրագիրը նուիրուած էր Մայիսեան հերոսամարտերու եւ Հայաստանի առաջին Հանրապետութեան հռչակման 100-ամեակին:

Յիշեցնենք, որ Գէորգ Հաճեան համերգներով եւ առանձին ելոյթներով այցելած է Աւստրալիա, Պրազիլ, ԱՄՆ, Գանատա, Իտալիա, Գերմանիա, Ֆրանսա, Եգիպտոս, Սուրիա, Քուէյթ, Վրաստան եւ այլ երկիրներ: Ունի 5 ձայնասկաւառակ` «Կոմիտասեան երախայրիք»-ը, «Զքեզ օրհնեմք», «Հայաստանը երգերում», «Կոմիտասեան Հայաստան», «Ղօղանջ անկախութեան»:

 

Scroll Up