Հայաստանի Եւ Արցախի Նախագահները Երկու Երկիրներու Փոխգործակցութեան Առնչուող Հարցեր Քննարկած են

Նախագահ Արմէն Սարգսեան այսօր Ստեփանակերտի մէջ հանդիպում  ունեցած է Արցախի Հանրապետութեան նախագահ Բակօ Սահակեանի հետ: Նախագահները քննարկած են հայկական երկու պետութիւններու փոխգործակցութեան առնչուող տարբեր հարցեր:

Հանդիպումէն ետք նախագահ Արմէն Սարգսեան լրագրողներուն ըսած է.

«Ուրախութեամբ պէտք է նշեմ, որ Արցախն իսկապէս կայացած պետական միաւոր է, որն ունի ժողովրդավարական ինստիտուտներ, ընտրուած եւ՛ խորհրդարան, եւ՛ նախագահ, ինչպէս նաեւ մարդիկ, որոնք ոչ միայն հպարտ են որպէս արցախցի, այլ նաեւ հպարտ են, որովհետեւ պետութիւն ունեն: Ես վստահ եմ, որ Արցախի ժողովրդավարական ձեւով ընտրուած ղեկավարները` ժողովրդի հետ միասին ունեն եւ՛ կեանքի փորձառնութիւն, եւ՛ հպարտութիւն, եւ՛ համարձակութիւն, եւ, ի հարկէ, իմաստութիւն` իրենց ներքին խնդիրներն ինքնուրոյն լուծելու համար: Մենք բոլորս` Հայաստանը եւ մեր ողջ ժողովուրդը ազգովի կանգնած ենք Արցախի մէջքին, քանի որ մարտահրաւէրները չեն աւարտուել: Դրանք նոյնքան մեծ են, գուցէ եւ աւելի մեծ այսօր, քան երէկ: Հետեւաբար, Արցախի կայնութիւնը բոլորիս համար շատ կարեւոր է»:

Այցի ընթացքին Հայաստանի ու Արցախի նախագահները, Արցախի թեմի առաջնորդ Պարգեւ արքեպիսկոպոս Մարտիրոսեանի եւ Արցախի Ազատամարտիկներու միութեան նախագահ Սամուէլ Կարապետեանի ուղեկցութեամբ, այցելած են նաեւ Արցախի ազատամարտիկներու զբօսայգիի շինարարական հրապարակ, ծանօթացած շինարարական աշխատանքներու ընթացքին:

 

Scroll Up