Հայաստանի Առաջին Հանրապետութեան 100-ամեակին Նուիրուած Ճատրակի Մրցաշար Պարսելոնայի Մէջ

Յունիս 10-ին Պարսելոնայի հայկական մշակութային միութեան կազմակերպմամբ  Պարսելոնայի «Հայ տան»- մէջ  տեղի ունեցաւ ճատրակի բաց առաջնութիւն` նուիրուած Հայաստանի Առաջին Հանրապետութեան 100-ամեակին: Բացման խօսքով հանդէս եկան միութեան ատենապետ Տաթեւ Սուլեան, Արեւմտեան Եւրոպայի Հայրապետական Պատուիրակի Սպանիոյ Փոխանորդ Հոգեշնորհ Տ. Սիփան վարդապետ Գէորգեան եւ միութեան «Ճատրակիի ակումբ»-ի պատասխանատու Վարդգէս Սարգսեան:

Ինչպէս «Հայերն այսօր»-ին կը յայտնեն միութենէն, մրցաշարին մասնակցեցան մինչեւ 14 տարեկաններ եւ մեծահասակներ: Փոքրերու մրցաշարին առաջին տեղը գրաւեց Եուրի Յարութիւնեան, երկրորդ տեղը` Միլենա Մուրադեան եւ երրորդ տեղը` Ալէքս Մովսէսեան: Մեծահասակներու մրցաշարին առաջին տեղը գրաւեց Նարեկ Յովակիմեան, երկրորդ տեղը` Սամուէլ Մելքումեան եւ երրորդ տեղը` Տիգրան Վարդանեան: Պարսելոնայի հայկական մշակութային միութեան յատուկ գաւաթին արժանացաւ Սոնա Գասպարեան:

Ձեռնարկի աւարտին  բոլոր մասնակիցները միութեան կողմէ պարգեւատրուեցան յատուկ յուշամետալներով:

Scroll Up