Հայկական Նոր Կազմակերպութիւն ՌԴ Անդրբայկալեան Երկրամասին ՄԷջ

ՌԴ Անդրբայկալեան երկրամասին մէջ հայկական համայնքի գործիչները ստեղծած են ազգային-մշակութային միացեալ նոր կազմակերպութիւն, որ պիտի փոխարինէ նախապէս գործող Անդրբայկալի հայերու միութեան եւ Ռուսաստանի հայերու միութեան տարածաշրջանային կազմակերպութեան:

«Վերջապէս Անդրբայկալի մէջ պիտի ստեղծուի հայկական միացեալ կազմակերպութիւն, որուն շնորհիւ վերջ կը դրուի մասնատուածութեան: Ծրագիրին մէջ   իրականացուցած են ձեռնարկներ, որոնք ուղղուած պիտի ըլլան այն ամէնուն, որ կապուած է հայկականութեան հետ: Մենք շեշտը պիտի դնենք լեզուի եւ աւանդոյթներու վրայ, որոնք միտուած են հայկական ինքնութեան պահպանման »,- «Հայերն այսօր»-ը, յղում կատարելով Rusarminfo-ին կը նշէ, որ կազմակերպութեան ներկայացուցիչ Հերմինէ Յարութիւնեանի խօսքերը կը մէջբերէ Чита.ру կայք-էջը:

Յարութիւնեան նշած է, որ մօտ ապագային կազմակերպութեան մասնաճիւղեր կը բացուին Անդրբայկալի Կրասնոկամենսկի, Ագինսկի եւ Խիլոկսկոմի շրջաններուն մէջ, որ հնարաւորութիւն կու տայ կազմակերպութեան երկրամասային կարգավիճակ ստանալու: Հայկական ազգային-մշակութային ինքնավարութեան ղեկավարը կ՛ըլլայ տեղացի գործարար Յարութիւն Աթոյեան:

Scroll Up