ՀՄԸՄ-ի Հայ Պատանիները Մոսկուայի ՄԷջ Ոգեկոչած Են Հայոց Ցեղասպանութեան Սրբադասուած Նահատակներու Յիշատակը

Ապրիլ 24-ի վաղ առաւօտեան Մոսկուայի Սուրբ Պայծառակերպութիւն Հայ առաքելական եկեղեցւոյ մէջ Սուրբ պատարագով սկսաւ Հայոց ցեղասպանութեան 103-րդ տարելիցին նուիրուած ձեռնարկները:

Եկեղեցւոյ բակին մէջ տեղադրուած Ցեղասպանութեան սրբադասուած նահատակներու յիշատակին նուիրուած խաչքարին մօտ հաւաքուած հայերն իրենց յարգանքի տուրքը մատուցեցին Հայոց ցեղասպանութեան անմեղ զոհերուն:

ՀՄԸՄ Մոսկուայի մասնաճիւղի սկաուտները ծաղկեպսակ եւ ծաղիկներ տեղադրեցին հայկական խաչքարին առջեւ եւ եռագոյն դրօշի խոնարհումով` պատուոյ պահակ կանգնեցան` ի յիշատակ 1,5 միլիոն նահատակներու:

Հայոց ցեղասպանութեան սրբադասուած նահատակներուն ոգեկոչելու  եկած էին ռուսական հասարակութեան ներկայացուցիչներ, հայկական հասարակական կազմակերպութիւններու եւ համայնքային տարբեր կառոյցներու անդամներ:

depiararat.com

Scroll Up