Քրտամէտ Կուսակցութեան Համանախագահը Յարգած Է Հայոց Ցեղասպանութեան Զոհերու Յիշատակը

Ապրիլ 23-ին Թուրքիոյ ընդդիմադիր քրտամէտ «Ժողովուրդներու դեմոկրատական կուսակցութեան» (ԺԴԿ-HDP) համանախագահ Փերուին Պուլտան խորհրդարանին մէջ յարգած է 1915թ. զոհերու յիշատակը:

«Այս հողերուն վրայ ապրած հնամենի ժողովուրդ հայերը ողբերգութիւն  վերապրած են պատմութեան ընթացքին: Ապրիլ 24-ին այդ պատմական ողբերգութեան տարելիցն է:  Կիսելով հայ ժողովուրդի ցաւը` կ’ուզեմ յայտնել իմ յարգանքն ու խոնարհումը զոհերու յիշատակին: Միեւնոյն ժամանակ անկեղծօրէն կը կիսեմ բոլոր այն ժողովուրդներու ցաւը, որոնք ենթարկուած են ճնշումներու այս հանրապետութեան պատմութեան ընթացքին»,-ermenihaber.am-ի հաղորդմամբ, ըսած է կուսակցութեան համանախագահը:

Թրքական աղբիւրը կը յիշեցնէ, որ աւելի վաղ HDP-ի հայ պատգամաւոր Կարօ Փայլան խորհրդարանին մէջ առաջարկած էր Հայոց ցեղասպանութիւնը ճանչցող օրէնք ընդունիլ:

 

Scroll Up