Նորա Արիսեանի «Հայոց Ցեղասպանութիւնը 1915 Սուրիացի Մտաւորականներու Մտքին ՄԷջ» Գիրքը Թարգմանուած Է Իտալերէնի

Վերջերս Իտալիոյ մէջ լոյս  տեսած է դոկտոր Նորա Արիսեանի «Հայոց ցեղասպանութիւնը 1915 սուրիացի մտաւորականներու մտքին մէջ» գիրքի իտալերէն տարբերակը, որուն նպատակն է իտալական շրջանակներուն մէջ ներկայացնել սուրիական տեսակէտը Հայոց ցեղասպանութեան առնչութեամբ:

«Հայերն այսօր»-ի փոխանցմամբ, թարգմանութիւնը կատարած է Սալենտօ համալսարանի դասախօս եւ թարգմանիչ Գեղամ Բոլոյեան: Գիրքը հրատարակած է «Radici Future» հրատարակչութիւնը:

Ապրիլ 20-ին Իտալիոյ Քալիարի քաղաքի մշակոյթի պալատին մէջ տեղի ունեցած է գիրքի շնորհանդէսը: Ապրիլեան ձեռնարկներու ծիրէն ներս նախատեսուած են գիրքի շնորհանդէսներ կազմակերպել նաեւ Իտալիոյ Լեչէ, Պարի, Ֆրանքա Վիլլա Ֆոնտանա, Կալատինա, Սան Վիտօ տիէ Նորմանի, Կրոմօ քաղաքներուն մէջ:

«Հայոց ցեղասպանութիւնը 1915 սուրիացի մտաւորականներու մտքին մէջ» գիրքին անդրադարձած են իտալական յառաջատար թերթերը:

 

Scroll Up