ՀՀ Սփիւռքի Նախարարութիւնը Կը Ցաւակցի ՌԴ Ուֆա Քաղաքին ՄԷջ Զոհուած Մեր Հայրենակիցներու Ընտանիքներուն

Ապրիլ 13-ին ՌԴ Ուֆա քաղաքի ճաշարաններուն մէկուն դիտահորին մէջ աշխատանքներ իրականացնելուն մահացած են Հայաստանի Հանրապետութեան քաղաքացիներ Կամօ Գերասիմի Պետրոսեան, Մերուժան Սերգէյի Աֆանիկով, Սուրիկ Ժորայի Աֆանիկով, Ռոպերթ Գուրգէնի Յակոբեան եւ ՌԴ քաղաքացի Ռաֆիկ Գագիկի Գրիգորեան: Ռուստամ Ռոբերտի Մելքոնեանը տեղափոխուած է Ուֆայի քաղաքային հիւանդանոց, որուն առողջական վիճակը բժիշկները կը գնահատեն միջին ծանրութեան:

ՀՀ սփիւռքի նախարարութիւնը կը ցաւակցի զոհուածներու հարազատներուն, հայկական համայնքի անդամներուն, մաղթելով տոկունութիւն եւ ոգիի արիութիւն, իսկ վիրաւոր Ռուստամ Ռոբերտի Մելքոնեանին` շուտափոյթ ապաքինում:

ՀՀ սփիւռքի նախարարութիւն

 

 

Scroll Up