Վրաստանի Խորհրդարանին Դիմաց Կայացած Է Հայոց Ցեղասպանութեան Իրադարձութիւնները Լուսաբանող Արխիւային Նիւթերու Ցուցահանդէս

Ապրիլ 15-ին Թիֆլիսի մէջ1915-23թթ․ հայ ժողովուրդի Ցեղասպանութեան 103-րդ տարելիցին նուիրուած ձեռնարկներու ծրագիրի ծիրէն ներս Վրաստանի Խորհրդարանի շէնքին դիմաց կայացաւ արխիւային նիւթերու-նկարներու ցուցահանդէս: «Վրաստանի հայ համայնք»-ին կողմէ կազմակերպուած ցուցահանդէսին ընթացքին վրաց հասարակութեան ներկայացուեցան փաստագրական նկարներ, որոնց վրայ արտացոլուած էին հայ ժողովուրդի Ցեղասպանութեան իրադարձութիւնները:

Ինչպէս «Հայերն այսօր»-ին կը յայտնեն «Վրաստանի հայ համայնք»-էն, ցուցահանդէսի իրականացման վայրը պատահականօրէն ընտրուած չէր: Տասնամեակներ շարունակ «Վրաստանի Հայ Համայնքը» կը դիմէ երկրի իշխանութեան` 1915-23թթ․ Ցեղապանութեան փաստը դատապարտելու կոչով: Մինչդեռ, Վրաստանի քաղաքացիներու դիմումը Խորհրդարանին եւ Կառավարութեան մինչ օրս կը մնայ անպատասխան:

1915-23թթ․ Ցեղասպանութեան փաստը դատապարտուած է բազմաթիւ քաղաքակիրթ երկիրներու եւ միջազգային կազմակերպութիւններու կողմէ: 2015թ․-ին Եւրոխորհուրդը ընդունած է հերթական յատուկ բանաձեւ, ուր կոչ կ’ընէ նաեւ եւրոպական երկիրներու Խորհրդարաններուն դատապարտել 1915-23թթ. ցեղասպանութեան փաստը:

 

Scroll Up