ՀՀ-ի ՄԷջ Սուրիոյ Արտակարգ Եւ Լիազօր Դեսպանը Հիւընկալուեցաւ Սփիւռքի Նախարարութեան ՄԷջ

Ապրիլ 13-ին Հրանոյշ Յակոբեան ընդունեց ՀՀ-ի մէջ Սուրիոյ Արաբական Հանրապետութեան արտակարգ եւ լիազօր դեսպան Մուհամմատ Ահմատ Հաճ Իպրահիմը:

Ողջունելով դեսպանը` նախարար Հրանոյշ Յակոբեանը համոզմունք յայտնեց, որ հայ-սուրիական յարաբերութիւնները անոր պաշտօնավարման ընթացքին աւելի պիտի  զարգանան: Նախարարը կարեւոր համարեց երկու երկիրներու միջեւ տնտեսական, մշակութային կապերու աշխուժացումը:

Անդրադարձ կատարուեցաւ սուրիահայերու հիմնախնդիրներուն,  գերատեսչութեան պետական քաղաքականութեան, յառաջիկայ ծրագիրներուն:

Սուրիոյ դեսպանը շնորհակալութիւն յայտնեց Հայաստանի կառավարութեան` այն օգնութեան ու աջակցութեան համար, որ կը ցուցաբերուի սուրիահայերուն: Ան նշեց, որ Սուրիական կառավարութիւնը եւս կը ցանկայ աշխուժացնել համագործակցութիւնը Հայաստանի հետ, քայլեր  ձեռնարկած են այդ ուղղութեամբ, մասնաւորապէս` համաձայնութիւն ձեռք բերուած է ՀՀ Տնտեսական զարգացման եւ ներդրումներու նախարարութեան հետ սուրիական արտադրանքի մշտական գործող ցուցահանդէս-տօնավաճառներ բանալու վերաբերեալ: Դեսպանը պատրաստակամութիւն յայտնեց առաւել սերտօրէն համագործակցելու Սփիւռքի նախարարութեան հետ:

Scroll Up