«Զուարթնոց» Օդակայանին Մէջ Արցախի Զբօսաշրջային Միջոցները Ներկայացնող Տեսահոլովակ կը Ցուցադրուի (տեսանիւթ)

ԱՀ մշակոյթի, երիտասարդութեան հարցերու եւ զբօսաշրջութեան (ՄԵՀԶ) նախարարութեան եւ ՀՀ տնտեսական զարգացման եւ ներդրումներու նախարարութեան զբօսաշրջութեան պետական կոմիտէին միջեւ ձեռք բերուած համագործակցութեան ծիրէն ներս՝ Արցախի զբօսաշրջային միջոցները ներկայացնող տեսահոլովակը, արդէն մշտական հիմունքներով, կը ցուցադրուի Երեւանի «Զուարթնոց» միջազգային օդակայանին մէջ։ Այս մասին, ըստ Artsakhpress.am-ի, ըսած է ԱՀ ՄԵՀԶ նախարարութեան զբօսաշրջութեան վարչութեան պետ Արտակ Գրիգորեանը:

Անոր  խօսքով՝  իրականացուող ծրագիրին նպատակը Հայաստան այցելող զբօսաշրջիկներուն մօտ Արցախի մասին իրազեկուածութեան մակարդակի բարձրացումն է։

Ան նաեւ նշած է, որ տեսահոլովակի ցուցադրութեան կազմակերպումը Արցախի զբօսաշրջային շուկայագիտութեան ծրագիրին՝ մաս կը կազմէ Հայաստանի Հանրապետութեան մէջ իրականացուող ձեռնարկներուն։

Scroll Up