Հայ Վիրաբոյժը Երեխայի Սրտի Բացառիկ Վիրահատութիւն Կատարած Է Ռուսաստանի ՄԷջ

Սրտի վիրաբոյժ Ռուբէն Մովսէսեան բժիշկներու խումբի հետ երեխայի սրտի բացառիկ վիրահատութիւն կատարած է Սան Փեթեսրպուրկի մէջ: Այս մասին կը յայտնէ «Դոկտոր Պիտեր» պարբերականը:

Փոքրիկ Անտրէյը ծնած էր սրտանօթային համակարգի շատ հազուադէպ արատով. ան միայն մէկ ընդհանուր անօթ ունէր անբնականոն աճով, սխալ ձեւաւորուած փականով, ատիկա կը կոչուի ընդհանուր շնչերակային փող:

«Այդպիսի երեխաներու ծնելէն անմիջապէս յետոյ պէտք է շտապ վիրահատել, քանի որ փականի չորրորդ աստիճանի անբաւարարութիւնը միանշանակ մահուան ելք  կ’ունենակ», — armeniasputnik.am-ի հաղորդմամբ, նշած է №1 մանկական քաղաքային հիւանդանոցի սրտի վիրաբուժութեան բաժինի պետ, Փեթերսպուրկի գլխաւոր մանկական սրտի վիրաբոյժ Մովսէսեան:

Բժիշկին խօսքով` ամբողջ աշխարհի մէջ այդպիսի վիրահատութեան եզակի դէպքեր եղած են: «Ռուսաստանի մէջ սրտի վնասուածքի այդպիսի համադրութեան պարագային նման վիրահատութիւն առաջին անգամ կ’իրականացուէր: Բժշկական խումբը յաջողեցաւ համադրել տարբեր միջոցներ: Երեխան ողջ է, նոր փականը կ’աշխատի»: Ատիկա պէտք է թոյլ տայ անոր մեծնալ ու ապրիլ իր կեանքի բարդ շրջանը»:

Սան Փեթերսպուրկի №1 քաղաքային մանկական հիւանդանոցին մէջ արդէն կը պատրաստուին դուրս գրել երեք ամսական Անտրէին:

 

Scroll Up