Ամերիկահայ Աշակերտները Տոլմա Պատրաստած Են

Ապրիլ 7-ին ԱՄՆ Քոլորատօ նահանգի Տենվէր քաղաքի հայկական շաբաթօրեայ դպրոցին մէջ նշուած է Սուրբ Աստուածածնի Աւետման օրը` Մայրութեան եւ գեղեցկութեան տօնը:

Ինչպէս  «Հայերն այսօր»-ի հետ զրոյցին  ըսաւ դպրոցի տնօրէն Ռուզաննա Աւետիսեան, ձեռնարկին ընթացքին աշակերտներն իրենց մայրիկներուն օգնութեամբ հայկական ուտեստներէն տոլմա  պատրաստած են: Այս նախաձեռնութեան նպատակը երեխաներուն տոլմա պատրաստելու հմտութիւնը սորվեցնելը չէ եղած սոսկ, այլեւ  հայկական աւանդոյթներուն ծանօթացնելը: Աշակերտները հիւրերուն նաեւ տոլմայի մասին տեղեկութիւններ  ներկայացուցած են, թէ տարբեր գաւառներու մէջ ինչ բաղադրատոմսերով   պատրաստուած են, իսկ Ռուզաննա Աւետիսեանը խօսած է օրուան խորհուրդին մասին` յորդորելով ծնողներուն օտար ափերու վրայ ապրող իրենց երեխաներուն միշտ հաղորդակից դարձել ազգային մշակոյթին եւ կենցաղին, որպէսզի անոնք յետագային կարենան այն սերունդէ սերունդ փոխանցել :

Ձեռնարկին ներկայ  եղած են Քոլորատոյի հայկական կազմակերպութեան (AOC) ատենապետ, դպրոցի հիմնադիր Սոնա Հեդեշեան, ծնողներ,  համայնքային ներկայացուցիչներ եւ այլ հիւրեր:

 

 

 

Scroll Up