Շարլ Ազնաւուրի Որդին ՀՀ Նախագահին Փոխանցած Է Աշխարհահռչակ Երգիչի Շնորհաւորական Ուղերձը

Հայաստանի Հանրապետութեան նախագահի նստավայրին մէջ ապրիլ 11-ին հիւրընկալուած է Հայաստանի ազգային հերոս, աշխարհահռչակ շանսոնյէ Շառլ Ազնաւուրի որդին` Նիքոլա Ազնաւուրը, տիկնոջ` Քրիստինա Սարգիսեանի հետ:

Ան նախագահ Արմէն Սարգսեանին  փոխանցած է Շարլ Ազնաւուրի շնորհաւորական ուղերձը, որուն մէջ  ըսուած է.

«Իմ անկեղծ շնորհաւորանքս եւ ջերմ մաղթանքս կը յղեմ Ձեզ` Հայաստանի Հանրապետութեան չորրորդ նախագահի պաշտօնին ընտրուելու առիթով:

Վստահ եմ, որ Ձեր մեծ փորձառութիւնը եւ մարդասիրական արժէքները հնարաւորութիւն կու տան մեծ ներդրում ունենալու Հայաստանի յետագայ զարգացման գործին մէջ, ինչպէս նաեւ լաւագոյնս ծառայելու` ի շահ մեր ժողովուրդին Հայաստանի եւ ամբողջ աշխարհի մէջ»:

Նախագահ Սարգսեան անգնահատելի  համարած է Շարլ Ազնաւուրի  ծառայութիւններն իր արուեստով ու գործունէութեամբ Հայաստանն աշխարհին ներկայացնելու ու ճանաչելի դարձնելու ուղղութեամբ:

Scroll Up