«Հայրենիքի Հզօրացման Ծրագիրներուն Օգնելը Մեր Պարտքն Է». Յունահայոց Թեմի Առաջնորդ

Ապրիլ 11-ին  Հրանոյշ Յակոբեան ընդունեց Մեծի Տանն Կիլիկիոյ Կաթողիկոսութեան Յունահայոց թեմի առաջնորդ Գերաշնորհ Տէր Գեղամ արքեպիսկոպոս Խաչերեանը:

Ողջունելով հիւրը` Հրանոյշ Յակոբեան կարեւոր համարեց սրբազանի նուիրեալ աշխատանքը` որպէս հոգեւոր առաջնորդ Լիբանանի մէջ եւ այսօր արդէն Յունաստանի մէջ: Ան Գեղամ սրբազանին ներկայացուց Սփիւռքի նախարարութեան ծրագիրները, նշեց, որ այս յոբելենական տարուան, երբ հայ ժողովուրդը կը նշէ Հայոց պետականութեան 100, Երեւանի հիմնադրման 2800 ամեակները, համայնքն ալ աւելի պէտք է համախմբուի, աւելի աշխոյժ ու միասնական դառնայ: Այնուհետեւ անդրադարձ կատարուեցաւ նախարարութեան ծրագիրներուն համայնքի առաւել աշխոյժ մասնակցութեան: Քննարկուեցան յառաջիկայ ընելիքները, համագործակցութեան հեռանկարները:

Յունահայոց թեմի առաջնորդը պատրաստակամութիւն յայտնեց աջակցելու նախարարութեան ծրագիրներուն եւ աւելցուց. «Ուրախ եմ հանդիպելու եւ մեր գնահատանքը Ձեզ փոխանցելու: Լրանում է Սփիւռքի նախարարութեան հիմնադրման 10 ամեակը: Անցած տարիների ընթացքում հսկայական աշխատանք է կատարուել` բազմազան ու բազմաբնոյթ Սփիւռքը համախմբելու եւ միաւորելու ուղղութեամբ. այդ ամէնը շատ ոգեւորող է: Մեր պարտքն ու պատասխանատուութիւնն է համայնքը հայ պահել, համախմբել ու զօրացնել, ամրացնել կապը Հայաստանի հետ: Հայրենիքի հզօրացման ծրագրերին օգնելը մեր պարտքն է»:

 

 

Scroll Up