«Կլոր Սեղան» Հիմնադրամը Նոր Ծրագիր Սկսած Է Սուրիահայ Երիտասարդներու Համար

Եկեղեցիներու համաշխարհային խորհուրդի Հայաստանեան միջեկեղեցական բարեգործական «Կլոր սեղան» հիմնադրամը (ՀԿՍ) կը սկսի սուրիահայ երիտասարդներու աջակցութեան նոր ծրագիր:

Ծրագիրին նպատակն է աջակցիլ անոնց հայաստանեան կեանքին մէջ  ընդելուզուելու հարցով` տրամադրելով կարողութիւններու զարգացում, ֆինանսական աջակցութիւն, հոգեւոր եւ հոգեբանական աջակցութիւն:

Ծրագրով հետաքրքրուած սուրիահայ երիտասարդներուն եւ կազմակերպութիւններուն կը խնդրենք դիմել Եկեղեցիներու համաշխարհային խորհուրդի հայաստանեան միջեկեղեցական բարեգործական Կլոր սեղան հիմնադրամին (ՀԿՍ):

Ելեկտրոնային հասցէ` [email protected].

Եկեղեցիներու համաշխարհային խորհուրդի հայաստանեան միջեկեղեցական բարեգործական «Կլոր սեղան» հիմնադրամը (ՀԿՍ) էկումենիկ կազմակերպութիւն է, որ հիմնադրուած է 1996 թ-ին: Կլոր սեղան հիմնադրամը եկեղեցիներու եւ հասարակական կազմակերպութիւններու հետ սերտ համագործակցութեամբ աշխուժօրէն կը նպաստէ աղքատութեան վերացման, կայուն համայնքներու զարգացման, եկեղեցւոյ` հասարակական աշխատանքներու մէջ աշխոյժ ներգրաւուածութեան, Հայաստանի եւ Արցախի քաղաքացիական հասարակութեան զարգացման: ՀԿՍ-ն իր գործունէութիւնը կը կեդրոնացնէ հիմնականին մէջ հետեւեալ ուղղութիւններով` համապարփակ համայնքային զարգացում եւ սարկաւագութիւն, կարողութիւններու զարգացում, տարածաշրջանային խաղաղութիւն եւ հաշտեցում, արտակարգ իրավիճակներ:

Scroll Up