Մեր Պատմութեան «Քարէ» Վկաները

Մարտ 10-ին Ս. Փեթերսպուրկի պետական համալսարանի շրջանաւարտներու հայկական ակումբին կողմէ Ս. Փեթերսպուրկ բնակող հայ երիտասարդներուն համար իւրաքանչիւր շաբաթ օր իրականացուող «Խօսում ենք հայերէն» լեզուական ակումբի ծիրէն ներս տեղի ուենցաւ հերթական հանդիպումը, որ նուիրուած էր խաչքարերուն եւ

 Կը կրէր «Մեր պատմութեան «Քարէ» վկաները» խորագիրը: Այս մասին «Հայերն այսօր»-ին կը տեղեկացնեն Ս. Փեթերսպուրկի հայկական համայնքէն:

Հայաստանէն ժամանած երիտասարդ ուսումնասիրող Գարիկ Յովհաննիսեան Սուրբ Կատարինէ եկեղեցւոյ բակին մէջ տեղադրուած խաչքարին վրայ ներկայացուց ատոր տարրերը, զարդանախշերը, անոնց նշանակութիւնը եւ այլ մանրամասնութիւննր: Այնուհետեւ ցուցադրուեցաւ խաչքարի նախագծման եւ պատրաստման վերաբերեալ կարճամեթրաժ ֆիլմ:

Հանդիպման ներկայ էին ինչպէս հայ, այնպէս ալ ռուս երիտասարդներ: Հանդիպման աւարտին ներկաները դիտեցին ռուս ընտանիքի մը կողմէ տեղադրուած խաչքարի մասին կարճամեթրաժ հետաքրքիր ֆիլմ, որ կը կոչուէր «Մի խաչքարի պատմութիւն»:

 

Scroll Up