ՀՀ Վարչապետ Կարէն Կարապետեան Պաշտօնական Այցելութեամբ կը Մեկնի Լիբանան

Հայաստանի Հանրապետութեան վարչապետ Կարէն Կարապետեանի գլխաւորած պատուիրակութիւնը այսօր` Մարտ 12-ին, երկօրեայ  պաշտօնական այցելութեամբ կը մեկնի Լիբանան:

Այցելութեան ծիրէն ներս՝ վարչապետ Կարէն Կարապետեան հանդիպումներ պիտի ունենայ Լիբանանի բարձրագոյն ղեկավարութեան` նախագահ զօր. Միշել Աունի, վարչապետ Սաատ  Հարիրիի եւ խորհրդարանի նախագահ Նեպիհ Պըրրիի հետ:

Նախատեսուած են նաեւ վարչապետ Կարէն Կարապետեանի հանդիպումները Մեծի Տանն Կիլիկիոյ Արամ Ա. կաթողիկոսին եւ Լիբանանի գործարար շրջանակներու ու հայ համայնքի ներկայացուցիչներու հետ:

Վարչապետին գլխաւորած պատուիրակութեան կազմին մէջ է նաեւ ՀՀ սփիւռքի նախարար Հրանոյշ Յակոբեան:

Scroll Up