Կանանց Միջազգային Տօնին Առթիւ Փարիզի ՄԷջ Պիտի Բացուի Զապէլ Եսայեանի Անուան Ծառուղի

Փարիզի քաղաքապետ Անն Իդալգոն Կանանց իրաւունքներու համար պայքարի միջազգային օրը` մարտ 8-ին, Ֆրանսայի մայրաքաղաքին մէջ կը բանայ Զապէլ Եսայեանի անուան ծառուղին:

Զապէլ Եսայեանի անուան ծառուղի բանալու մտադրութեան մասին Իդալգոն յայտարարած էր դեռեւս անցեալ տարի` ՀՀ Նախագահ Սերժ Սարգսեանի` Ֆրանսա կատարած պաշտօնական այցի ընթացքին:

Ծառուղիի բացման արարողութեան ներկայ պիտի գտնուին նաեւ Ֆրանքոֆոնիայի եւ միջազգային համագործակցութեան հարցերով Փարիզի փոխքաղաքապետ Փատրիկ Քլուկման, Ֆրանսայի մէջ Հայաստանի արտակարգ եւ լիազօր դեսպան Վիգէն Չիտեչեան, Փարիզի 20-րդ եւ 11-րդ թաղամասներու ղեկավարներ Ֆրեդերիկ Քալանդրան եւ Ֆրանսուա Վոլինը:

Ծառուղին տեղակայուած է Մենիլմոնտան պողոտայի սկզբնամասին մէջ, ուր կ’աւարտեն Թլեմքեն եւ Սպինոզա փողոցները եւ կը մեկնարկէ Հանրապետութեան պողոտան:

Պոլսահայ Զապէլ Եսայեան նախկին դարասկիզբի անուանի հայ գրող, հրապարակախօս եւ թարգմանիչ է:  Ան հրատարակած է յօդուածներ` նուիրուած գրականութեան ու արուեստի հարցերուն, կատարած թարգմանութիւններ: Հայ գրականութեան մէջ բարձրացուցած  կնոջ դերին առնչուող հարցեր:

Scroll Up