«Միշտ Գիտէի, Որ օր Մը Պիտի Վերադառնամ». Լարիսա Յովհաննիսեան

Մարտ 7-ին ՀՀ սփիւռքի նախարար Հրանոյշ Յակոբեան ընդունեց «Դասաւանդի՛ր, Հայաստան» հիմնադրամի ղեկավար Լարիսա Յովհաննիսեանը:

Նախարարը կարեւոր համարեց երիտասարդ հայրենադարձի ազգանուէր գործունէութիւնը հայրենիքի մէջ, եւ նշեց. «Ձեր արած գործը ազգի, պետութեան համար անգնահատելի է: Վստահ եմ, որ Ձեզ նման հայրենիքը բացայայտած ու նրա խնդիրների լուծման գործում իրենց նպաստը բերած երիտասարդների օրինակը, Հայրենիք վերդառնալու, այստեղ ապրելու եւ աշխատելու Ձեր յաջողուած փորձը  հրաշալի ազդակ կը դառնայ հազարաւոր սփիւռքահայ երիտասարդների համար»:

Հանդիպման ընթացքին քննարկուեցան «Դասաւանդի՛ր, Հայաստան» կազմակերպութեան իրականացուցած աշխատանքներու, խնդիրներու ու նպատակներու հետ կապուած հարցեր: Անդրադարձան սփիւռքահայ երիտասարդներու` հայրենադարձութեան հնարաւոր տարբերակներուն, հեռանկարներուն:

Լարիսա Յովհաննիսեան շնորհակալութիւն յայտնեց արդիւնաւէտ հանդիպման եւ դրուատանքի խօսքերու համար եւ աւելցուց. «Հօրս աշխատանքի բերումով երկար տարիներ ապրած ենք Ռուսաստան, յետոյ Ամերիկայի Միացեալ Նահանգներ: Բայց ամենաջերմ յիշողութիւններս ու զգացողութիւններս Հայաստանի հետ  կապուած են: Միշտ գիտէի, որ  օր մը պիտի վերադառնամ: Շատ երիտասարդներ կ’ուզեն ներդրում ունենալ Հայաստանի ապագան կերտելու գործին մէջ: Պէտք է հարթակ ստեղծել անոնց համար: «Դասաւանդի՛ր, Հայաստան»-ը այդպիսի հարթակ է, որ հնարաւորութիւն կու տայ երիտասարդ մասնագէտներուն` իրագործելու հայրենիքին օգտակար ըլլալու, անոր վաղուան օրը կերտելու իրենց ծրագիրները»:

Scroll Up