Լրագրողներու եւ Պլոկըրներու Միջազգային Խումբը Այցելած է Արցախի Պաշտպանութեան Բանակի Զօրամասեր

Արցախահայութեան ազգային-ազատագրական պայքարի` ղարաբաղեան շարժման 30-րդ տարեդարձի վերաբերեալ յօդուածներ եւ տեղեկատւութիւններ պատրաստելու նպատակով Արցախի մէջ գտնուող լաթուիացի, հունգարացի, ալժիրցի, իտալացի, ռուս եւ ֆրանսացի խումբ մը լրագրողներ ու պլոկըրներ Փետրուար 12-ին այցելած են Արցախի Պաշտպանութեան բանակի հիւսիսային ուղղութեամբ տեղակայուած մարտական դիրքեր ու զօրամասեր:

Զօրամասերու մշտական տեղակայման վայրին մէջ լրագրողները ներկայ եղած են բանակի ուսումնական փուլի մեկնարկին նուիրուած հանդիսաւոր հանդիպումին, իսկ առաջնագիծին վրայ անոնք հետաքրքրուած են գործող մարտավարական իրադրութեամբ,  ծանօթացած  զինծառայողներու ընկերա-կենցաղային պայմաններուն ու մարտական հերթապահութեան ընթացքին:

Scroll Up