Հայագիտական Ուսմանց Ընկերակցութիւնը Ընտրած Է 2016-ի Լաւագոյն Հայագիտական Ուսումնասիրութիւնները

Ֆրեզնոյի Հայագիտական ուսմանց ընկերակցութիւնը կը հաղորդէ, թէ ընտրած է 2016-ին տեղի ունեցած գիտաժողովներու ընթացքին ներկայացուած եւ հայագիտական նիւթերու առնչուող երկու լաւագոյն ուսումնասիրութիւնները, որոնք Ճենըֆըր Մանուկեանի եւ Փիրուզա Հայրապետեանի աշխատասիրութիւններն են։ Այս մասին կը հաղորդէ «Ասպարէզ»-ը։

0000Jennifer Manoukian

Մանուկեանի ուսումնասիրութիւնը գրադատութիւն մըն է Զապէլ Եսայեան «Սիլիհտարի Պարտէզները»ի անգլերէն թարգմանութեան, նկատի ունենալով յատկապէս անոր մէջ գործածուած խօսակցական արեւմտահայերէնի փոխանցման հարցերը, իսկ Հայրապետեանի ուսումնասիրութիւնը կ՛առնչուի եկեղեցական շարականներու։

Ընկերակցութիւնը մրցանակակիրներուն նուիրած է 500-ական տոլար։

Հայագիտական ուսմանց ընկերակցութեան մասին յաւելեալ տեղեկութեանց համար, այցելել societyforarmenianstudies.com կայքը։

Scroll Up