Նախագահի Նստավայրին Մէջ Տեղի Ունեցած Է Պուլկարիոյ Նախագահի Դիմաւորման Պաշտօնական Արարողութիւնը

Նախագահ Սերժ Սարգսեանի հրաւէրով պետական այցով տիկնոջ հետ Հայաստանի Հանրապետութիւն  ժամանած է Պուլկարիոյ Հանրապետութեան նախագահ Ռումէն Ռատեւը:

Հանրապետութեան Նախագահի նստավայրին մէջ նախագահ Ռումէն Ռադեւին եւ տիկին Տեսիսլաւա Ռատեւային դիմաւորած են Նախագահ Սերժ Սարգսեանը եւ տիկին Ռիտա Սարգսեանը: Դիմաւորման պաշտօնական արարողութենէն ետք  կայացած է նախագահներ Սերժ Սարգսեանի եւ Ռումէն Ռատեւի առանձնազրոյցը:

Ողջունելով նախագահ Ռատեւը Հայաստանի մէջ` Նախագահ Սարգսեան յոյս  յայտնած է, որ Պուլկարիոյ նախագահի այցը Հայաստան կ’ընթանայ յաջողութեամբ, եւ նախագահ Ռատեւը կը վերադառնայ բարեկամ Պուլրկարիա ջերմ տպաւորութիւններով եւ ձեռքբերուած պայմանաւորուածութիւններով:

«Թէեւ շուրջ տասը տարի է անցել իմ պաշտօնական այցից Պուլկարիա, ես այդ այցը հաճոյքով եմ յիշում, որովհետեւ այն լի էր ջերմութեամբ, լի էր բազմաթիւ բարեկամական դրսեւորումներով: Գոհունակութեամբ ուզում եմ փաստել, պարո՛ն նախագահ, որ այս 25 տարիներին մենք ունենք լուրջ ձեռքբերումներ: Եւ թէեւ մեր երկու երկրների միջեւ առկայ ներուժը ամբողջութեամբ չենք օգտագործել, բայց այդ ձեռքբերումներն օրինաչափ են: Օրինաչափ են, որովհետեւ մեր յարաբերութիւնները հիմնուած են պատմական լաւ բարեկամութեան վրայ:
Պարո՛ն նախագահ, օգտուելով այս լաւ առիթից, ցանկանում եմ շնորհաւորել Պուլկարիային Եւրոպական միութեան խորհրդում նախագահութեան կապակցութեամբ եւ մաղթել ձեզ յաջողութիւններ ձեր նախագահութեան առաջնահերթութիւններն իրականացնելու գործում: Դա նաեւ կարեւոր է մեզ համար, որովհետեւ մենք էլ ձգտում ենք մերձենալ Եւրոպական միութեան հետ:
Մէկ անգամ եւս բարի գալուստ Հայաստան»,-ըսած է Նախագահ Սարգսեան:

Պուլկարիոյ նախագահը շնորհակալութիւն  յայտնած է Նախագահ Սերժ Սարգսեանին Հայաստան այցելելու հրաւէրի համար` ընդգծելով, որ մեծ գոհունակութեամբ  ընդունած է զայն:

«Մեր երկու երկիրներուն միջեւ փոխյարաբերութիւնները պարզապէս բարեկամական չեն` ատոնք, իսկապէս, բարեկամական են պատմական առումով: Ինչպէս Դուք ըսիք` մեր երկու ժողովուրդները շատ ընդհանրութիւններ ունին իրենց պատմական ճակատագրի հարցով եւ անոնք իրարու նկատմամբ մեծ յարգանք ու սէր կը տածեն: Մենք նոյնիսկ պարտական ենք մեր ժողովուրդներուն, որովհետեւ անոնք մեզմէ կ’ակնկալեն աւելի կենսական փոխյարաբերութիւններ: Ձեր հրաւէրով եւ այս այցով մենք իրականութեան մէջ բացթողում մը կը լրացնենք` նկատի առնելով, որ տաս տարի նմանատիպ այց չէ եղած: Իսկ ատիկա լաւագոյն նախադրեալն է, որպէսզի զարգանան մեր ուժական փոխյարաբերութիւնները բոլոր բնագաւառներուն մէջ: Ես շատ ուրախ եմ, որ այս այցը կ’ունենայ հաստատ չափելիութիւն: Կ’ակնկալեմ, որ այսօր կը ստորագրենք համագործակցութեան չորս շատ կարեւոր փաստաթուղթ: Ես իմ պատուիրակութեան կազմին մէջ ունիմ նաեւ չորս հոգի, որոնք մեր ամենակարեւոր կազմակերպութիւններու նախագահներն են, եւ այդ առումով ակնկալիքներ ունիմ, որ իսկապէս կ’աշխուժանան մեր փոխյարաբերութիւններն առեւտրատնտեսական ոլորտին մէջ»,-նախագահ Սերժ Սարգսեանի հետ առանձնազրոյցի ժամանակ ըսած է Պուլկարիոյ նախագահ Ռումէն Ռատեւը:

Scroll Up