2017 թ. Հայոց Ցեղասպանութիւնը Ճանչցած ԱՄՆ Նահանգներու Թիւը Հասած Է 48-ի. ԱԳՆ

2017թ. Հայոց ցեղասպանութիւնը ճանչցած ԱՄՆ նահանգներու թիւը հասած է 48-ի: Նման տուեալներ  հրապարակած է  ԱԳ նախարարութիւնը` ամփոփելով 2017 թուականի ընթացքին գործունէութիւնը:

Անցած տարի Հայոց ցեղասպանութիւնը ճանչցած եւ դատապարտած նահանգներուն  միացած են Վայոմինկը (ապրիլ 21), Թեխասը (մայիս 19), Այովան (օգոստոս 24), Ինտիանան (նոյեմբեր 6):

Նախարարութենէն կը  յիշեցնեն, որ ապրիլ 25-ին Չեխիայի խորհրդարանի Պատգամաւորներու պալատն ընդունած է Հայոց ցեղասպանութիւնը դատապարտող բանաձեւ: Հաշուետու տարուայ ընթացքին Հայոց ցեղասպանութիւնը ճանչցած եւ դատապարտած են նաեւ  շարք մը երկիրներու տեղական ինքնակառավարման մարմիններ:

Արտաքին քաղաքական գերատեսչութիւնը կը յայտարարէ, որ 2017թ. հայկական դիւանագիտութեան առաջնահերթութիւններուն շարքին կը շարունակէր մնալ Հայոց ցեղասպանութեան միջազգային ճանաչումը եւ դատապարտումը, ինչպէս նաեւ` Հայաստանի աշխոյժ ներգրաւուածութիւնը նոր ցեղասպանութիւններու, մարդկութեան դէմ յանցագործութիւններու կանխարգելման ուղղուած միջազգային հանրութեան ջանքերուն մէջ:

 

Scroll Up