Աշխարհի ՄԷջ Առաջին Քրիստոնեայ Պետութեան Խորհրդանիշներն Ու Առասպելները. BBC-ն` Հայաստանի Մասին

«Հարաւային Կովկասի մէջ գտնուող Հայաստանը դեռեւս 4-րդ դարուն` 301թուականին, քրիստոնէութիւնը ընդունած է որպէս պետական կրօն: Հայ առաքելական եկեղեցին ամենահին քրիստոնէական եկեղեցիներէն է եւ կը տարբերի թէ բիւզանդական ուղղափառ եւ թէ Հռոմի կաթոլիկ եկեղեցիներէն:

Սուրբ Ծնունդն այստեղ կը նշեն յունուար 6-ին»,-այս մասին կը գրէ «BBC» լրատուական գործակալութիւնը «Աշխարհի մէջ  առաջին քրիստոնեայ պետութեան խորհրդանիշներն ու առասպելները» վերնագիրով յօդուածին մէջ:

Հրապարակման մէջ կը նշուի, որ ներկայիս Հայաստանի ամենայայտնի տեսարժան վայրերէն է Գառնիի պատմամշակութային համալիրը, ուր տարուան ընթացքին 136 հազար զբօսաշրջիկ կ’այցելէ:

«Մայրաքաղաք Երեւանի արեւմուտքը կը գտնուի Վաղարշապատը` երկրի կարեւորագոյն մշակութային եւ կրօնական կեդրոններէն մէկը, անոր հոգեւոր կառոյցը: Սուրբ Գայեանէ Վանքը կառուցուած է 630 թուականին եւ ներառուած է ԵՈՒՆԵՍԿՕ-ի համաշխարհային ժառանգութեան  ցանկին մէջ»,-  Panorama.am-ի փոխանցմամբ` նշուած է յօդուածին մէջ:

Հրապարակման մէջ անդրադարձ կը կատարուի նաեւ խաչքարերուն` նշելով, որ Հայաստանի մէջ խաչքարերը կը համարուին հոգիի փրկութեան խորհրդանշան:

«Հայաստանի տարածքին մէջ  քանի մը հազար խաչքարեր կան, իւրաքանչիւրը իր անզուգական զարդերով: Խաչքարեր սկսած են կառուցել 9-րդ դարէն սկսած, յաճախ հեթանոսական տաճարներու տեղը, որպէս նոր հաւատքի նշան: Այսօր խաչքարերու ստեղծման արուեստը («Խաչքարերու խորհրդագիտութիւնն ու վարպետութիւնը, հայկական քարի խաչերը») ընդգրկուած է ԵՈՒՆԵՍԿՕ-ի` Մարդկութեան ոչ նիւթական մշակութային ժառանգութեան ներկայացուցչական ցանկին մէջ:

Ժամանակակից Հայաստանի տարածքին մէջ ամենամեծ ինչպէս նաեւ ամենախոշորագոյնն աշխարհի մէջ խաչքարերու գերեզմանատունը կը գտնուի հինաւուրց Նորատուս գիւղին մէջ, այնտեղ աւելի քան 800 խաչքար կայ: Տեղի խաչքարին մեծ մասը XIII-XVII դարերու են, իսկ ամենահինը` V դարու է:

Աղբիւրը կը նշէ, որ Սիւնիքի մարզին մէջ ծովի մակարդակէն 1770 մ բարձրութեան վրայ գտնուող Քարահունջ հնագոյն մագաղաթ համալիրը կարելի է համեմատել Սթոունհենջի հետ:

Որոշ գիտնականներ կը կարծեն, որ համալիրը ամենահին աստղադիտարանն է աշխարհի մէջ, բայց ատոր համար չկայ ապացոյց: Ամենայն հաւանականութեամբ, տարբեր ժամանակաշրջաններու մէջ այն տարբեր կերպ օգտագործուած է:

 

Scroll Up