Ս. Յակոբոս Գլխադիր Առաքեալի Տօնը Երուսաղէմի ՄԷջ

Յունուար 11-ին Երուսաղէմի Սրբոց Յակոբեանց Միաբանութիւնը նշեց Երուսաղէմի Հայոց Պատրիարքարանի հովանաւոր Սուրբ Ս. Յակոբոս Գլխադիր առաքեալի տօնը:
«Հայ Երուսաղէմն այսօր»-ի փոխանցմամբ, օրուան առթիւ Ս. Յակոբոս Գլխադիրի խորանին վրայ Ս. Պատարագ մատուցեց եւ օրուան պատգամը փոխանցեց Երուսաղէմի Հայոց Պատրիարք Ամենապատիւ Տ. Նուրհան Արք. Մանուկեան:

Պատարագի աւարտին տեղի ունեցաւ նաեւ թափօրի կարգ: Թափօրէն ետք  Միաբանութիւնը եւ հաւատացեալները բարձրացան Պատրիարքարան, ուր Պատրիարք Սրբազանը ներկաներուն բաժնեց նշխարք:
Սրբոց Յակոբեանց Մայր Տաճարին մէջ  թաղուած է 12 առաքեալներէն առաջին նահատակ Ս. Յակոբոս առաքեալի գլուխը, իսկ մարմինը թաղուած է Սպանիոյ Քոմպոստելա քաղաքին մէջ:

Scroll Up