Միասնաբար Պէտք Է Հզօրացնել Հայաստանը. Հրանոյշ Յակոբեանի Ողջոյնի Խօսքը Եւրոպահայերու 4-րդ Համագումարին

Ինչպէս արդէն տեղեկացուցած էր «Հայերն այսօր»-ը, հոկտեմբեր 18-ին Պելճիքայի մէջ մեկնարկած է Եւրոպահայերու 4-րդ համագումարը, որուն կը մասնակցին Մեծի Տանն Կիլիկիոյ Արամ Ա կաթողիկոս, Արցախի նախագահ Բակօ Սահակեան, Սփիւռքի նախարար Հրանոյշ Յակոբեան եւ այլք:

Պրիւքսէլի Հայ տան մէջ ընթացող համագումարի բացման արարողութեան ողջոյնի խօսքով հանդէս  եկած է նաեւ Սփիւռքի նախարար Հրանոյշ Յակոբեան, որ իր ողջոյնի խօսքին մէջ կարեւոր համարած է քաղաքական, պատմական, ազգային մեծ հնչեղութիւն ունեցող համաժողովի իրականացումը, որուն օրակարգին մէջ պիտի քննարկուին Հայոց ցեղասպանութեան, Արցախի հիմնախնդիրին, հայապահպանութեան  նուիրուած շատ կարեւոր հարցեր:

Նախարարն անդրադարձած է Եւրոպա հաստատուած հայերուն, որոնք անուն եւ պատիւ  ձեռք բեած են  դեռեւս անյիշելի ժամանակներէն եւ իրենց աւանդը ներդրած նաեւ համաշխարհային քաղաքակրթութեան զարգացման: Հրանոյշ Յակոբեան խօսած է նաեւ Սուրբ Ղազար կղզիին մէջ հաստատուած Մխիթարեաններու միաբանութեան, Լիզպոնի Գալուստ Կիւլպէնկեան թանգարանի մասին:

Նախարարն իր ելոյթին մէջ կարեւոր համարած է հայրենադարձութեան հարցը, անդրադարձած հայկական համայնքէն հեռացածներու խնդիրին` հայադարձութեան, Հայաստանի մէջ իրականացուող բարեփոխումներուն եւ ընդգծած, որ միասնաբար պէտք է կարենանք հզօրացնել Հայաստանը:

 

Scroll Up