Մեր Նուիրատուութիւններով Աջակցինք Հայոց Բանակի Զինուորներուն

Ամէն տարի Հայաստանի Հանրապետութեան սահմանները պաշտպանելուն կը զոհուին կամ հաշմանդամ կը դառնան երիտասարդ տղաներ: Ամէն տարի հայ ընտանիքները կը կորսնցնեն իրենց զաւակները, կանայք կը կորսնցնեն իրենց ամուսինները ու երեխաները կը մնան առանց հօր խնամքի: Այդ երիտասարդ տղաները կը կատարեն մեծագոյն զոհողութիւնը` Հայաստանի անվտանգութիւնն ապահովելու համար:

«Հայերն այսօր»-ի փոխանցմամբ` հայ ժողովուրդը միաւորած է իր ուժերը, որպէսզի օգնէ որդեկորոյս ընտանիքներուն եւ աջակցի հայրենիքը պաշտպանելուն վիրաւորուած քաջ տղաներու ապաքինման: Այս նպատակով 2016թ. դեկտեմբեր 15-ին ՀՀ Ազգային ժողովն ընդունեց «ՀՀ պաշտպանութեան ժամանակ զինծառայողներու կեանքին կամ առողջութեան պատճառուած վնասներու հատուցման մասին» օրէնքը:

Օրէնքի ուժով ՀՀ-ի մէջ աշխատանքային պայմանագրով աշխատող իւրաքանչիւր անձ ամսական 1 000 դրամ իր աշխատավարձէն կը տրամադրէ զինուորներու եւ զինուորականներու ընտանիքներու ֆինանսական աջակցութեան: Հաւաքագրուած գումարներն այնուհետեւ կը տրամադրուին զոհուած կամ անյայտ կորած զինծառայողներու ընտանիքներուն կամ հաշմանդամ զինծառայողներուն:

Այդ յօդուածի հիման վրայ 2017թ.-ի յունուար 16-ին ստեղծուեցաւ «Զինծառայողներու ապահովագրութեան հիմնադրամ»:

Գումարներու հաւաքագրման երկրորդ միջոցը նուիրաբերութիւններն են: Հիմնադրամը փորձած է նուիրաբերութիւններու իրականացումը դարձնել հնարաւորինս հեշտ եւ մատչելի: Նուիրաբերել հնարաւոր է` այցելելով Հիմնադրամի կայքէջ` www.1000plus.am: Նուիրաբերողը ուղղակի պէտք է ընտրէ նուիրաբերութեան չափը, տրամադրէ իր անուն-ազգանունը, էլ. հասցէն եւ մուտքագրէ իր դրամատնային քարտի տուեալները:

Նուիրաբերութիւն իրականացնելու հետ մէկտեղ նուիրաբերողը կրնայ ուղերձ գրել եւ իր նուիրաբերութիւն կատարելու մասին կիսուիլ ընկերային ցանցերով:

Հիմնադրամի ստեղծման առաջին 8 ամիսներուն ընթացքին նուիրաբերութիւններու միջոցով հաւաքուած է 72մլն ՀՀ դրամ (մօտ $150 000): Նուիրաբերութիւնները ստացուած են աւելի քան 14 պետութիւններէ: Առաւելագոյն նուիրաբերութիւնները կատարուած
են հետեւեալ երեք երկիրներէն.
1. Հայաստան (50մլն ՀՀ դրամ, մօտ $104,000)
2. Ֆրանսա (7մլն ՀՀ դրամ, մօտ $15,000)
3. Կիպրոս (4,8մլն ՀՀ դրամ, մօտ $10,000)

Ֆէյսպուքեան էջի շնորհիւ Հիմնադրամի աշխատանքը հասու է նաեւ ընկերային ցանցերու օգտատէրերուն:

Brochure – design v1 (AM)

 

Scroll Up