Հայ-Եգիպտական Դիւանագիտական Յարաբերութիւններու 25-Ամեակին Նուիրուած Համերգ Գահիրէի ՄԷջ

Հոկտեմբեր 8-ին Եգիպտոսի մշակոյթի նախարարութեան եւ Գահիրէի Հայոց ազգային առաջնորդարանի հովանաւորութեամբ Գահիրէի Օփերայի տան մէջ տեղի ունեցաւ «Աշոտ Տիգրանեան մշակութային երաժշտական հիմնադրամի» լարային քառեակի համերգը` նուիրուած Հայաստանի եւ Եգիպտոսի միջեւ դիւանագիտական յարաբերութիւններու հաստատման 25-ամեակին: Այս մասին «Հայերն այսօր»-ին կը յայտնեն ԱԳՆ մամլոյ ծառայութենէն:

Հիւրերու շարքին էին ԵԱՀ ԱԳ նախարարութեան պաշտօնեաներ, դիւանագիտական մարմնի ներկայացուցիչներ, եգիպտահայեր:

Եգիպտոսի մէջ ՀՀ դեսպան Արմէն Մելքոնեան իր բացման խօսքին մէջ բարձր գնահատեց անցած 25 տարիներուն հայ-եգիպտական համագործակցութեան ծիրէն ներս գրանցուած ձեռքբերումները, անդրադարձաւ միջպետական յարաբերութիւններու զարգացման հեռանկարներուն:

Քառեակի կատարմամբ հնչեցին ստեղծագործութիւններ հայ եւ համաշխարհային դասական երաժշտութեան գանձարանէն:

 

 

Scroll Up