«Եթէ Մարդն Իր Արմատները Մոռնայ, Կործանուած Է». Գէորգ Գրիգորեան

Սեպտեմբեր 29-ին ՀՀ սփիւռքի նախարար Հրանոյշ Յակոբեան ընդունեց ՀԲԸՄ կեդրոնական վարչական ժողովի անդամ, Միջին Արեւելքի եւ Հայաստանի ծրագիրներու պատասխանատու Վազգէն Եակուբեանը եւ Վառնայի մասնաճիւղի ատենապետ Գէորգ Գրիգորեանը:

Ողջունելով հիւրը` նախարարը բարձր գնահատեց պուլկարահայ համայնքային գործիչի բարեսիրական ձեռնարկները, համայնքի զօրացման ու համախմբման ուղղուած անոր ծրագիրները:

Վազգէն Եակուբեան ներկայացուց Վառնայի մասնաճիւղի ատենապետի կատարած աշխատանքը, քննարկուեցան յետագայ համագործակցութեան եւ նախարարութեան ծրագիրներուն մասնակցութեան հետ կապուած հարցեր:

Գէորգ Գրիգորեան շնորհակալութիւն յայտնեց ջերմ ընդունելութեան համար, նշեց, որ ներկայ կարողութիւնները ուժեղացնելու համար պէտք է ամրապնդուին հայ-պուլկարական գործարար, մշակութային կապերը, կամուրջներ ստեղծուին,: «Պէտք է պահենք, զօրացնենք համայնքը, յատկապէս երիտասարդ սերունդը հայ պահելու համար կարեւոր են լեզուն եւ մշակոյթը: Եթէ մարդն իր արմատները մոռնայ, կործանուած է», –աւելցուց ան:

 

Scroll Up