«Համաժողովի Թեմատիկ Նիստերը Հետաքրիր Էին Եւ Արդիական». Խաչիկ Տէր-Ղուկասեան

ՀՅԴ-ի Հարաւային Ամերիկայի պատասխանատու, Պուէնոս Այրէսի Սան Անտրես համալսարանի միջազգային յարաբերութիւններու եւ քաղաքականութեան փրոֆէսոր Խաչիկ Տէր-Ղուկասեան «Հայերն այսօր»-ի հետ ամփոփելով սեպտեմբեր 18-20-ը ‹‹Փոխադարձ վստահութիւն, միասնականութիւն եւ պատասխանատուութիւն›› խորագիրով Հայաստան-Սփիւռք համահայկական 6-րդ համաժողովի աշխատանքները` նշեց, որ համաժողովի չորս ուղղութիւններու նիստերու թեմաները հետաքրքիր էին եւ արդիական, շատ կարեւոր էր նաեւ այն հանգամանքը, որ մասնակիցները կրցած են ՀՀ վարչապետ Կարէն Կարապետեանի հետ հարց ու պատասխանի ձեւաչափով հաղորդակցման մէջ ըլլալ, որոնց ոգեւորութիւնը, անշուշտ, նկատելի  եղած է:

Խաչիկ Տէր-Ղուկասեան կը կարծէ, որ այս համաժողովները պէտք է շատ աւելի համակարգուած կամ, ինչպէս կ’ըսեն, կառուցողական իրականացնել` ապահովելով Սփիւռքի առաւել ներգրաւումը եւ մասնակցութիւնը Հայաստանի մէջ տեղի ունեցող բոլոր գործընթացներուն:

‹‹Եռօրեայ համաժողովի ընթացքին տարբեր քննարկումներ ծաւալեցան, նոր գաղափարներ առաջարկուեցան, որոնք յառաջիկային ի մի բերելու եւ լուրջ աշխատելու անհրաժեշտութիւն ունին»,-աւելցուց ՀՅԴ-ի Հարաւային Ամերիկայի պատասխանատուն:

 

 

Scroll Up