Հայաստան–Սփիւռք Համաժողովին Ընդառաջ. Համաժողովի Առաջնահերթութիւնը Պէտք Է Ըլլայ Արդիւնքի Ապահովումը.Մհեր Սահակեան

Սեպտեմբեր 18-20 կայանալիք «Փոխադարձ վստահութիւն, միասնականութիւն եւ  պատասխանատուութիւն» խորագիրով Հայաստան–Սփիւռք վեցերորդ համահայկական  համաժողովին ընդառաջ «Հայերն այսօր»-ը կը ներկայացնէ Չինաստանի հայկական համայնքի նախագահ Մհեր Սահակեանի դիտարկումը:

«Նման հաւաքները շատ կարեւոր են, քանի որ տարբեր համայնքներու ղեկավարները հնարաւորութիւն կը ստանան անմիջական կապ հաստատելու իրարու  հետ եւ միասին նոր ծրագիրներ իրագործելու: Կարեւոր է նաեւ, որ վեցերորդ համաժողովի արդիւնքով մշակուի ընդհանրական ճանապարհային քարտէզ: Ուստի այս համաժողովի առաջնահերթութիւնը պէտք է ըլլայ  արդիւնքի ապահովումը:

Իմ  կարծիքովս ներկայիս Հայկական աշխարհի թիւ մէկ խնդիրը պէտք է ըլլայ Հայաստանի տնտեսութեան զարգացումը, քանի որ եթէ մենք յաջողինք լուծել այս հարցը, ապա մենք կը կարենանք յաջողութեամբ դիմագրաւել թէ՛ տարածաշրջանային, թէ՛ համաշխարհային մարտահրաւէրները: Իբրեւ արդիւնք կ’ամրապնդենք նաեւ բանակը, որ հնարաւոր է միայն հզօր տնտեսութեան շնորհիւ յառաջացած ֆինանսական միջոցներու շնորհիւ ու կը լուծենք նաեւ մեր արտաքին քաղաքականութեան հետ կապուած առաջնահերթ հիմնախնդիրները:

Համաժողովէն ակնկալիքս հետեւեալն է. միասնական գործունէութեան ծրագիրի մշակում, իրական արդիւնքներու ապահովում, յաղթանակ»:

 

 

Scroll Up