Համերգ` «Դուն Ի՞նչ Կ’ընես Արցախի Համար» Համահայկական Շարժման Ծիրէն Ներս

Օգոստոս 10-ին Արժանթինի Սալտա քաղաքին մէջ Պետական սիմֆոնիկ նուագախումբի մասնակցութեամբ ՀՀ սփիւռքի նախարարութեան «Դուն ինչ կ’ընես Արցախի համար» համահայկական շարժման ծիրէն ներս տեղի  ունեցած է համերգ, որն ուղեկցուած է խաղաղութեան կոչով: Համերգը կայացած է ՀԲԸՄ-ի Արժանթինի մասնաճիւղի նախաձեռնութեամբ:

«Հայերն այսօր»-ի տեղեկացմամբ, նուագախումբին հետ տուտուկի կատարումներով ելոյթ  ունեցած է Սարօ Դանիէլեան, որուն միջոցով  կազմակերպուած է բարեգործական համերգը:

Աւելցնենք, որ գոյացած ողջ հասոյթը պիտի ուղղուի Արցախի երաժշտական դպրոցներուն համար երաժշտական գործիքներ գնելուն: Հարաւային Ամերիկայի մէջ իրականացուող ձեռնարկները պիտի   ամփոփուին Հայաստանի մէջ` սեպտեմբեր ամսուն:

 

 

Scroll Up