«Դեռ Փոքր Տարիքէս Առաջնորդ Եղած Եմ». «Սփիւռք» Ամառնային Դպրոց Ծրագիրի Մասնակից

ՌԴ Գրասնոտար քաղաքի Հայ Առաքելական Եկեղեցւոյ Հարաւային խումբի հովանիի ներքոյ գործող «Վարդանեան» կրթամշակութային կեդրոնի «Արմատ» դպրոցի ծրագիրներու համակարգող, «Արմատ» երիտասարդական կազմակերպութեան  ատենապետի տեղակալ Անի Գէորգեան ՀՀ սփիւռքի նախարարութեան «Սփիւռք» ամառնային դպրոց ծրագիրի  Երիտասարդ առաջնորդներու եւ համայնքային գործի կազմակերպիչներու դասընթացներու մասնակիցներէն է:

Բոլոր խոշոր ձեռնարկները երիտասարդական կազմակերպութեան եւ հայկական դպրոցի բեղմնաւոր աշխատանքի շնորհիւ կը կայանան:

«Հայերն այսօր»-ի հետ զրոյցին Անին ըսաւ, որ իրենց նպատակը Գրասնոտարի մէջ ապրող հայերու համար հայապահպանական, կրթական, մշակութային տարբեր ծրագիրներ իրականացնելն է, որպէսզի անոնք համախմուին  եկեղեցւոյ, դպրոցի, համայնքին շուրջ` պահպանելով հայ ըլլալու պատկանելիութեան զգացումը: Բոլորն ալ կը գիտակցին, որ միայն ազգային համախմբուածութեան շնորհիւ կրնան մեծ բարձունքներու հասնիլ:

ՀՀ սփիւռքի նախարարութեան հետ մշտական կապի եւ սերտ համագործակցութեան մէջ կը գտնուին: Համատեղ համագործակցութեան շնորհիւ հասած են այն արդիւնքին, որ դպրոցի աշակերտները պարբերաբար կը մասնակցին նախարարութեան ծրագիրներուն:

«Սփիւռք» ամառնային դպրոցին մէջ դասընթացները շատ լաւ անցան, արդիւնաւէտ քննարկումներ, կարեւոր դասախօսութիւններ ունեցանք: Լրացուցիչ ձեռք բերուած գիտելիքները գործնականին մէջ անպայման պիտի կիրառեմ: Դասախօսութիւններուն ժամանակ համապարփակ տեղեկատուութիւն, հմտութիւններ ստացանք այն մասին, թէ ինչպիսին պէտք է ըլլայ երիտասարդ առաջնորդն ու համայնքային գործի կազմակերպիչը»,-նշեց Անին` աւելցնելով, որ ծրագիրի ծիրէն ներս տարբեր մարդոց հետ ծանօթանալով` հասցուցած է համագործակցութեան ուղիներ որոնել եւ պայմանաւորուած մշտական կապի մէջ գտնուիլ` աշխատանքային գործընթացքի մէջ փորձի փոխանակում կատարելու համար:

Զրոյցի աւարտին պարզուեցաւ, որ Անիի մօտ առաջնորդ ըլլալու ջիղը դեռեւս փոքր տարիքէն   նկատուած է. դպրոցական տարիներուն դասընկերներու առօրեան հետաքրքիր դարձնելու համար` անոնց եռանդով կը մէկտեղէր եւ բակային տարբեր ձեռնարկներ կը կազմակերպէր: Իսկ որեւէ բնագաւառէ առաջնորդ կերպար չէ առանձնացուցած, քանի որ ֆանատիկ անձնաւորութիւն չէ, կը փորձէ մարդոցմէ սորվիլ այն բոլոր լաւ յատկանիշները, որոնք իրեն յետագային պէտք պիտի գան թէ՛ կեանքի, թէ՛ աշխատանքի մէջ:

Գէորգ Չիչեան

Scroll Up