ՀՀ Սփիւռքի Նախարար Հրանոյշ Յակոբեան Ազգային Ժողովին Մէջ Ներկայացուցած Է Նախարարութեան Կատարած Աշխատանքները

ՀՀ Ազգային ժողովի արտաքին յարաբերութիւններու ու ֆինանսավարկային եւ պիւտճետային հարցերու մշտական յանձնաժողովներու համատեղ նիստին մէջ Արմէն Աշոտեանի եւ Գագիկ Մինասեանի նախագահութեամբ յունիս 30-ին շարունակուած է քննարկուիլ «ՀՀ 2016 թ. պետական պիւտճէի կատարման մասին» հաշուետուութիւնը: Այս մասին «Հայերն այսօր»-ին կը յայտնեն ՀՀ Ազգային ժողովի մամուլի ծառայութենէն:

Քննարկուած են ՀՀ արտաքին գործոց եւ ՀՀ սփիւռքի նախարարութիւններու` նախորդ տարուան իրականացուած ծրագիրները եւ այդ նպատակով յատկացուած ֆինանսական միջոցներն ու կատարողականը:

ՀՀ սփիւռքի նախարար Հրանոյշ Յակոբեան ներկայացուցած է նախորդ տարուան ընթացքին  նախարարութեան կատարած աշխատանքները: Ան տեղեկացուցած է, որ ամբողջութեամբ իրականացուած են նախատեսուած 12 ծրագիրները:

Նախարարին խօսքով` սուրիահայերու կրթութեան, առողջապահութեան եւ սոցիալական խնդիրներն ամբողջութեամբ անվճար կը լուծուին: «Շուրջ 2000 երեխայ սովորում է հանրապետութեան դպրոցներում, իսկ 500 երիտասարդ` ԲՈւՀ-երում: Վարձավճարների հարցում բարեգործական հիմնադրամների հետ միասին օգնում է պետութիւնը», – նշած է Հրանոյշ Յակոբեան:

ՀՀ ֆինանսներու նախարարի առաջին տեղակալ Ատոմ Ջանջուղազեան իր ելոյթին մէջ ներկայացուցած է նաեւ ՀՀ սփիւռքի նախարարութեան ծախսերը, որոնք կազմած են շուրջ 1.1 մլր դրամ` 16 ծրագիրի իրականացման համար` արձանագրելով 96 տոկոս կատարողական, որուն հիմնական մասը ծախսուած է հանգիստ, մշակոյթ եւ կրօն պիւտճետային դասակարգման բաժինին մէջ նախատեսուած ծրագիրներուն համար: Մշակութային ծրագիրներու իրականացման համար օգտագործուած է 356 մլն դրամ, կրթութեան համար` 97 մլն, նախարարութեան աշխատակազմի պահպանման ծախսերը կազմած են շուրջ 350 մլն:

Scroll Up