ՌԴ Եարոսլաւլի Հայկական Համայնքի Փոխնախագահ Վիտալի Առուստամեան Հիւրընկալուեցաւ Սփիւռքի Նախարարութեան ՄԷջ

img_5163

Մայիս 19-ին ՀՀ սփիւռքի նախարարի պաշտօնակատար Հրանոյշ Յակոբեան ընդունեց ՌԴ Եարոսլաւլի հայկական համայնքի փոխնախագահ Վիտալի Առուստամեանը:

Նախարարի պաշտօնակատարը բարձր գնահատեց համայնքի կազմաւորման ու հայապահպանութեան ուղղուած գործիչի ջանքերը եւ յորդորեց առաւել աշխոյժ մասնակցիլ Սփիւռքի նախարարութեան ծրագիրներուն ու նախաձեռնութիւններուն:

Նախարարի պաշտօնակատար Հրանոյշ Յակոբեան կարեւոր համարեց հայկական համայնքներուն մէջ մասնագիտական ներուժի համախմբումը, ընկերակցութիւններու ստեղծումը եւ կոչ ըրաւ Եարոսլաւլի մէջ եւս աշխատանքներ տանիլ այդ ուղղութեամբ:

Շնորհակալութիւն յայտնելով ջերմ ընդունելութեան համար` Վիտալի Առուստամեան նշեց, որ նախարարութեան հետ սերտ համագործակցութիւնը մեծապէս կը նպաստէ համայնքի արդիւնաւէտ ինքնակազմակերպումը: Ան ներկայացուց համայնքի վերջին ձեռքբերումներն ու խնդիրները, տեղեկացուց, որ աշնան շահագործման պիտի յանձնուի եռայարկ Հայ տունը, որ պիտի ներառէ մշակութային կեդրոն, գրադարան, թանգարան, դպրոց եւ այլն:

Քննարկուեցան համայնքային խնդիրներուն առնչուող այլ հարցեր: