Նկարիչ Ռաֆայէլ Մէգալը Սփիւռքի Նախարարութեան ՄԷջ

img_5195

Մայիս 19-ին ՀՀ սփիւռքի նախարարի պաշտօնակատար Հրանոյշ Յակոբեան ընդունեց Վենետիկի 57-րդ երկամեայ ցուցահանդէսին Հայաստան ներկայացուցած նկարիչ Ռաֆայէլ Մէգալը:

Ջերմօրէն ողջունելով հիւրը` Սփիւռքի նախարարի պաշտօնակատարը բարձր գնահատեց միջազգային հեղինակաւոր ցուցադրութեան մէջ Հայաստանի մշակոյթը պատշաճ ներկայացնելու համար, կարեւոր համարեց համաշխարհային մշակոյթի տիրոյթին մէջ մեր երկիրը արժանուոյն ներկայացնելու երիտասարդ արուեստագէտներու ջանքերը եւ յոյս յայտնեց, որ յաջորդ անգամ մեր երկրի տաղաւարը կը շահի եզակի մրցանակը` «Ոսկէ առիւծը»:

Ռաֆայէլ Մէգալը շնորհակալութիւն յայտնեց ջերմ ընդունելութեան եւ աջակցութեան համար, նշեց, որ ՀՀ մշակոյթի եւ սփիւռքի նախարարութիւններու անմիջական աջակցութեամբ հնարաւոր դարձաւ իր «Յովազները իմ ծաղկած այգում» 15 նկարներէ բաղկացած շարքը ներկայացնել Վենետիկի երկամեայ նման համաշխարհային նշանակութիւն ունեցող մշակութային հարթակին վրայ եւ արժանանալ արուեստագէտներու ու այցելուներու ուշադրութեան:

Ռաֆայէլ Մէգալ մասնաւորապէս ըսաւ. «Վենետիկի երկամեայ ցուցահանդէսին, որ կը կրէր «Կեցցէ՛ կենդանի արուեստը» խորագիրը, եւ՛ ամբողջ հայկական տաղաւարը, եւ՛ մասնաւորապէս իմ աշխատանքներս մեծ տպաւորութիւն գործեցին: Յովազը հայ կերպարուեստին մէջ կը խորհրդանշէ հայոց բարեբեր հողը, իմ ծաղկած պարտէզիս մէջ այն ներկայացուած էր հին զարդանախշերու նորովի, ինքնատիպ մատուցմամբ` խորհրդանշելով բնութեան ու մարդու ներդաշնակութիւնը»:

Քննարկուեցան Սփիւռքի աջակցութեամբ ժամանակակից հայ մշակոյթը համաշխարհային հանրութեան ներկայացնելու հետ կապուած այլ հարցեր:

111213