Շառլ Ազնաւուրի Տարեդարձը Բացօթեայ Համերգային Ծրագիրով Պիտի Նշուի Նաեւ Երեւանի Մէջ

%d5%a1%d5%a6%d5%b6%d5%a1%d5%be%d5%b8%d6%82%d6%80

Աշխարհահռչակ երգիչ, շանսոնյէ Շառլ Ազնաւուրի ծննդեան տարեդարձը իր անուան հրապարակին  վրայ նշելը արդէն գեղեցիկ աւանդոյթ դարձած է:

Այս տարի եւս Երեւանի Շառլ Ազնաւուրի անուան հրապարակին վրայ տեղի պիտի ունենայ բացօթեայ համերգ, որ իւրօրինակ յարգանքի տուրք է մեծ երգիչի արուեստին, կեանքին եւ գործունէութեան: Մայիս 22ին Շանսոնյէն պիտի դառնայ 93 տարեկան:

«Ազնաւուր յատուկ երեւոյթ է: Անոր նման մարդիկ 200 տարին մէկ կը ծնին: Ան մեծագոյն արուեստագէտ է, որուն առջեւ պէտք է խոնարհիել: Այս համերգին մեր յարգանքը պիտի արտայայտնենք անոր հանդէպ»,-«Արմենպրես»-ին ըսած , համերգի մասնակից, երգիչ Արամոն:

Ծրագրին մէջ Ազնաւուրի սիրուած երգերը պիտի հնչեն նաեւ Հայկ Պետրոսեանի,  Սոնա Ռուբէնեանի, Բորեայ Եգանեանի, Էդգար Խաչատրեանի, Տիգրան Մուչեանի, «Միքայէլ Ոսկանեան եւ ընկերներ» խումբի, «Kami friends project»-ի, DJ Beatman-ի կատարմամբ: